PSJ yarim himoyachisi Karlos Soler bosh murabbiy Luis Enrikening rejalariga kirmaydi. Bu haqda "Le Parisien" nashri xabar bermoqda.

Parijliklar jamoa murabbiyi ishonch bildirmayotgan futbolchini sotishi mumkin. Unga "Brayton" va "Aston Villa" qiziqish bildirishmoqda. Futbolchining "Valensiya"ga qaytishi ehtimoli ham bor, ammo buning uchun u maoshini sezilarli darajada kamayishiga rozi bo'lishi kerak bo'ladi.

Ispaniyalik futbolchi 2022 yilning yozida 18 million evro evaziga "Valensiya"dan PSJga o'tgan edi. 26 yoshli xavbek joriy mavsum har bir uchrashuvda o'rtacha 27 daqiqa maydonda bo'ldi, bu uning faoliyatidagi eng yomon ko'rsatkichdir.

Enrike Solerga ishonmaydi