Shuningdek hakamlar "Bunyodkor" akademiyasi maydonlarida o'tkazilayotgan bir qator o'rtoqlik o'yinlarida VAR tizimidan foydalangan holda malakalarini oshirishmoqda. Biz amalga oshirilayotgan ishlar yuzasidan O'FA hakamlar departamenti rahbari vazifasini bajaruvchi Erkin Baxtiyorovni fikrlari bilan qiziqdik.

"Ushbu seminar o'quv-mashg'ulot yig'ini tarzida o'tkazilmoqda. Bu har yili qish oylarida tashkil qilinadi. Aniqrog'i mazkur yig'inlar yangi mavsumga tayyorgarlik vazifasini bajaradi. Birinchi bosqichda Superligada ishlaydigan va uchrashuvlarni boshqaradigan nomzodlar ishtirok etadilar. Avvalgi yillardan farqli ravishda joriy yilda bosh hakamlar jismoniy jihatdan ham testlar ham topshirishmoqda. FIFA tomonidan joriy qilingan "Yo - Yo" testini hakamlarimizda sinab ko'rdik, ular mazkur topshiriqlarni muvaffaqiyatli tarzda bajarishdi. Biz istiqomat qilayotgan mehmonxonada nazariy mashg'ulotlar ham o'tkazilmoqda, unda o'yinlardagi bir qator vaziyatlar, penalti, o'yindan tashqari holatlarni aniqlash FIFA instruktorlari tomonidan o'rgatilayotganini aytib o'tish joiz. Mana uch kundurki "Bunyodkor" akademiyasida o'tayotgan o'rtoqlik uchrashuvlaridan unumli foydalangan holda hakamlarimizning VAR bilan ishlash bo'yicha tajriba va malakalarini oshirib borilmoqda. Amalga oshirayotgan ishlarimiz yangi mavsumda o'z mevasini berishiga ishonamiz.
VAR Superligada rasmiy o'yinlarda ham qo'llaniladi. Hozirda O'zPFL bilan hamkorlikda bir qator loyihalarni ishlab chiqyapmiz. Hakamlarni shartnomalarini yangilash, ularni yuqori darajaga olib chiqish ustida ish ketmoqda. Ayni vaqtda rejamiz bo'yicha 2021 yil Superligada bir turda kamida ikkita uchrashuvda VAR tizimi ishlaydi. Keyinchalik imkoniyatlarimiz oshgan sari bitta turda bir nechta uchrashuvlarda ushbu tizmni ishlatamiz",- deydi O'FA hakamlar departamenti rahbari.

Erkin Baxtiyorov: "2021 yil Superligada bir turda ikkita uchrashuvda VAR tizimi ishlaydi"