Ushbu turda Toshkentning “Bunyodkor” jamoasi o'z uyida Navoiyning “Qizilqum” klubini qabul qildi va kichik 0:1 hisobida mag'lubiyatga uchradi. Uchrashuvdan so'ng “Qizilqum” klubi futbolchisi Erkin Boydullaev o'z fikrlarini bildirdi.

“Bunyodkor”ga qarshi uchrashuvda ortga yo'l yo'q edi, faqat g'alaba qozonishimiz shart edi. Hozirgi “Bunyodkor” avvalgi “Bunyodkor” emas. Ushbu jamoa hozir o'rtamiyona klub bo'lib qolgandek, nazarimda. Jamoada yaqqol ajralib turadigan etakchi futbolchi yo'q. “Qizilqum” ilk marotaba safarda “Bunyodkor”ni mag'lubiyatga uchratdi. Avvalgi “Bunyodkor”ni mag'lubiyatga uchratganimizda sensaciya desa bo'lardi, hozirgisini bunday deya olmayman. Biz maydonga faqat g'alaba qozonish uchun chiqamiz deb kelgandik”, - deydi “Qizilqum” klubi futbolchisi Erkin Boydullaev.

Jahongir Sotvoldiev yozib oldi

Erkin Boydullaev: “Hozirgi “Bunyodkor” avvalgi “Bunyodkor” emas”