"Raqibning rejalari qanday ekanligini bilmayman. Biroq jamoaning ECHLdagi natijalari barchasini aytib turibdi - MYU 4 safar o'yinining 3tasida g'alabaga erishdi. "Yuventus" va PSJga qarshi o'yinlarda MYU so'nggi daqiqalarda g'alaba golini kiritdi. Biz o'z o'yinimiz va kuchli qartalarimiz haqida o'ylashimiz kerak.
Biz safarda gol ura oldik. Biroq bu hech nimani anglatmaydi. O'zimizning imkoniyatlarimiz haqida gapirgim kelmayapti. Shunchaki, MYUga o'z darvozamiz uchun zarba berishga imkoniyat qoldirmaslikka harakat qilamiz. Hech qaysi vaziyatda biz o'zimizda ustunlik borligini eslamasligimiz kerak. Bu axmoqlik bo'ladi.
MYUning kuchli tomonlari ko'p. Jamoa g'oliblik ruhiga ega. Aynan maydonda biz raqibdan ustun ekanligimizni ko'rsata olishimiz kerak.
"Yunayted" ilk daqiqalardanoq hujumga tashlanadimi yoki yo'q, bilmayman. Ular taxminan o'tgan safar o'yinlaridagi taktikani ishlatishadi. MYUning imkoniyatlarini yaxshi bilamiz. Shu boisdan darvozamiz oldida yaratilayotgan barcha vaziyat golga aylanmasligi kerak. "Yunayted"ga bo'sh hudud ochib bersa, bizni jazolay oladi.
Yarim finalga chiqishga intilamiz. Ammo raqib juda jiddiy. Huddi biz kabi juda kuchli. Bu erdagilarning barchasi tushunib turibdiki, yarim finalga chiqish to'sig'i anchagina zalvorli. Buni unutmaslik kerak", - dedi Valverde.

Ernesto Valverde "Manchester Yunayted"ga qarshi o'yindan oldingi matbuot anjumanida qatnashdi (to'liq)