"Ushbu musobaqada ishtirok etayotgan barchaga rahmat. Biz uchun har bir musobaqa qiyinchilik bilan o'tadi. Gonkong bilan o'yin birinchi qadam va bor etiborimiz ularni yutishga qaratilgan", – dedi Rizo Inoyati.

- Afg'oniston va Gonkongga nisbatan asosiy kurash O'zbekiston bilan kechadi. Bu o'yinga maxsus reja asosida tayyorlanasizlarmi? Odatdagidan farq qiladimi?

- Albatta, o'z rejalarimiz bor. Qadamma-qadam bu rejalarni amalga oshiramiz. Gonkong bilan o'yindan keyingina O'zbekiston haqida o'ylaymiz.

- Eron Olimpiadaga chiqsa, harbiy xizmatdan ozod etilishi haqida xabar chiqdi. Bu rostmi va Eron uchun Olimpiada qanchalik muhim?

- Bu fikringiz yuz foiz to'g'ri. Bu futbolchilarimiz uchun juda muhim hisoblanadi. Harbiy xizmatdan ozod bo'lishdan ko'ra jamoani shakllantirish, musobaqalarda yaxshi qatnashish, futboldagi natijalar ustun hisoblanadi.

- Gonkongdan qaysi taraflama qarshilik kutmoqdasiz?

- Gonkongning tug'diradigan eng katta qiyinchiligi – nomalum jamoa ekanligi. O'yin taktikasini tushunish qiyin bo'ldi. Albatta, ularni tahlil qilib chiqdik. Bu o'yinda hech qanday syurpirizlar bo'lmaydi.

- 2007 yil Eron terma jamoasi safida Osiyo Kubogida O'zbekistonga qarshi o'ynagansiz. Umuman bu uchrashuvni qanday eslaysiz?

- Albatta, yurtingizda futbol juda yaxshi rivojlanmoqda. 18, 20, 23 yoshgacha bo'lgan jamoalaringiz yaxshi natija qayd etib kelmoqda. Bu musobaqadan so'ng ikki jamoada ham yaxshi xotiralar bilan qolishini istayman.

Eron U-23 bosh murabbiyi: "Gonkongning tug'diradigan eng katta qiyinchiligi – nomalum jamoa ekanligi"