Али Карими ҳозирда "Сепидруд" клубини бошқармоқда, Али Дайи эса "Сайпа" бош мураббийи ҳисобланади. Ушбу жамоаларнинг ўйинидан олдин иккала юулдуз бир-бири билан иссиқ кўришиб ярашиб олишди. Маълумки, иккала собиқ футболчи ўртасидаги сўз жанги 2006 йилги жаҳон чемпионатидан сўнг бошланганди.

Ўшанда Эрон гуруҳ босқичидан чиқа олмагани боис Али Карими матбуотга интервью бериб, Али Дайи фақат ўзи учун ўйнашини, жамоа учун ҳеч нарса қилмаганини айтганди. Натижада икки футболчи орасига совуқчилик тушиб улар анча вақт бир-бирлари билан гаплашмай юрганди. Энди бўлса ярашиб олишди.

Маълумот учун, Али Дайи Эрон терма жамоаси сафида 149та ўйинда майдонга тушиб, 109та гол урган. Али Карими эса форсларнинг энг номдор юлдузларидан бири ҳисобланади. Қолаверса, иккала футболчи ҳам ўз вақтида "Персеполис" ва "Бавария"да тўп тепган. Кеча бўлиб ўтган ўйинда Али Карими жамоаси рақиб устидан 2:0 ҳисобида ғалаба қозонди.

Эрон юлдузлари Али Дайи ва Али Карими ярашиб олишди