15 iyul kuni Bekobodning "Metallurg" jamoasiga bir qator o'yinchilar kelib qo'shilgani haqida xabar bergan edik.

Eshitdik-da! Abduraimov, Ubaydullaev va Shoyqulov "Metallurg"ga o'tadi

Bo'yi deyarli 2 metr bo'lgan eronlik futbolchi "Metallurg"ga o'tdi

"Metallurg" yozgi transfer oynasida o'z safini yana bir eronlik legioner bilan to'ldirdi. Gap 29 yoshli Danial Mahini haqida ketmoqda. 1993 yilda tug'ilgan Mahini o'ng qanot himoyachisi hisoblanadi, shuningdek markaziy himoyada ham o'ynay oladi.

Mahini bekobodliklar safiga Eron 1-ligasi vakili "Arman Gohar" klubidan keldi. Himoyachi faoliyati davomida "Istiqlol" (Xuzestan), "Saypa", "Paykan" kabi fors klublarida o'ynagan.

Shu bilan "Metallurg"ning yozgi transferlar limiti to'ldi. Jamoa 5talik limit uchun Sardor Abduraimov, Iskandar Shoyqulov, Shahzod Ubaydullaev, Rizo Yazadandust (Eron) hamda Danial Mahini (Eron) bilan shartnoma imzoladi. "Olimpik"dan ijaraga olingan Muhammadaziz Ibrohimov esa 2001 yilda tug'ilgan va limitdan tashqarida qoladi. Buyog'iga Vesko Steshevich boshchiligidagi jamoa faqat 2001 va undan kichik futbolchilar bilan shartnoma tuzishi mumkin.

Eshitdik-da! "Metallurg" safiga yana bir eronlik futbolchi kelib qo'shildi