Эшитишимизга қараганда, Ўзбекистон кубогининг чорак финалига йўл олган ва бу босқичда ўзаро тўқнаш келган "Навбаҳор" ва "Насаф" жамоасига мусобақа ғолиблиги учун "Малибу" автомобиллари ваъда қилинмоқда.

"Навбаҳор" ва "Насаф" раҳбарияти томонидан Ўзбекистон кубоги ғолиблиги учун мукофот сифатида "Малибу" автомобиллари қўйилиши кутилмоқда.

Мазкур жамоалар эртага ярим финал чиптасини қўлга киритиш учун Намангандаги "Марказий" ўйингоҳда ўзаро баҳс бойлашади. Ўйин 12 декабрь куни соат 16:00да бошланади.

Эслатиб ўтамиз, Ўзбекистон кубоги финали 20 декабрь куни Намангандаги "Марказий" стадионда бўлиб ўтади.

Ўзбекистон кубоги ғолиби ОЧЛ плей-офф босқичида иштирок этиш ҳуқуқини қўлга киритади. "Навбаҳор" ОФКнинг лицензиялашидан муваффақиятли ўтган, Қаршининг "Насаф" клуби эса лицензиялаш талабларини қайта топшириш учун ОФКга мурожаат йўллаб, рухсат сўраган. Айни пайтда клуб ОФКдан жавоб кутмоқда.

Эшитдик-да: "Насаф" ва "Навбаҳор" жамоасига Ўзбекистон кубоги ғолиблиги учун "Малибу" автомобиллари топширилиши мумкин!