Қарши давлат университети жамоаси дебют мавсумидаёқ Ўзбекистон Кубогини "ёндирди" дейиш мумкин.

"Лочин" мамлакат кубогининг амалдаги эгаси "Андижон" ва Суперлиганинг яна бир клуби "Сурхон"ни гуруҳда қолдириб кетишга эришди. Айни вақтда "Лочин" Биринчи лига плей-офф беллашувларида чорак финалга йўлланмани қўлга киритган.

Олинган маълумотларга қараганда, ЎзПФЛ худди "ФарДУ" билан бўлгани каби "Лочин" билан ҳам мавсум давомида ҳамкорликда иш олиб бормоқда. "ФарДУ" 2025 йилги мавсумни "Истиқлол" стадионида бошлаб, кейинчалик университетнинг ўзига қарашли стадионини ПФЛ талаблари асосида таъмирдан чиқарди ва август ойидан бошлаб ўз уйига қайтди. Айни вақтда эса Қарши давлат университетига қарашли стадионни Про лига талаблари асосида таъмирлаш ишлари давом этмоқда. 2026 йилдан бошлаб "Лочин" ўз рақибларини унда қабул қила бошлайди.

Эшитдик-да! Қарши давлат университети Про лигада ўйнаши мумкин