25 ёшли футболчи айни пайтда Эронда бўлиб турибди ва янги жамоаси "Санат Нафт" билан шартнома имзолашга яқин.

Шароф Муҳитдинов Абадан клубидаги учинчи легионерга айланади. Жамоада ундан ташқари, уругвайлик Себастьян Пирис ва ироқлик Муҳаммад Межер тўп тепади.

Маълумот ўрнида, бразилиялик мураббий Эдсон Таварес қўл остидаги "Санат Нафт" айни дамда Эрон Про-лигасида 15-ўринни банд этиб турибди.

Муҳитдинов ўтган мавсум қаршиликлар таркибида чемпионат ҳамда кубок учрашувларида 27 та ўйинда қатнашиб, 3 та гол урган ва 3 та голга ассистентлик қилган эди. Transfermarkt портали хавбекни 550 минг еврога баҳолаган.

Эшитдик-да! Шароф Муҳитдинов Эрон клубига ўтмоқда