“Espanol” muxlislari “Barselona” futbolchilarini chempionlikni nishonlayotgan vaqtida maydonga hujum qilishdi

La Liganing 34-turida “Barselona” Kataloniya derbisida 4:2 hisobida g'alaba qozonib, chempionlikni qo'lga kiritdi.

 Hakam hushtagi chalinganidan bir necha daqiqadan so'ng markazga yig'ilgan futbolchilar chempionlikni nishonlashni boshlashdi. biroq bu mezbon muxlislarga yoqmadi va ular maydonga tushib kelishdi. Shundan so'ng “Barselona” futbolchilari tezda kiyim almashtirish xonasiga yugurishdi.

 Xavfsizlik xizmati va policiya muxlislarning futbolchilarga o'tib ketishiga yo'l qo'ymaslik uchun qattiq harakat qilishdi. Tomoshabinlar esa soqchilarga turli narsalarni, jumladan, stullarni ham uloqtira boshladilar.