Uchrashuvning 18-daqiqasida hisob ochildi. Burchak to'pidan so'ng Nani to'pni qaytardi, jarima maydoni yaqinida turgan Zoltan Gera to'pni ajoyib tarzda darvozaga joylab qo'ydi 1:0.

Birinchi bo'lim oxirida Krishtianu Ronalduning pasidan so'ng Nani jarima maydoni ichiga kirib borib chap oyoqda Kiray qo'riqlayotgan darvozaning yaqin burchagini aniq nishonga oldi - 1:1.

Ikkinchi bo'lim boshida Djudjak belgilangan jarima to'pini amalga oshirdi, to'p jonli devordagi Andre Gomeshga tegib darvozaga kirib ketdi - 2:1.

Oradan ikki daqiqa o'tgach O'ng qanotdan Joau Mariu tomonidan uzatilgan to'pni Ronaldu tovoni bilan darvozaga yo'lladi - 2:2. Shedevr!

55-daqiqada Djudjak jarima to'pini amalga oshirdi, to'p jonli devorga tegib qaytdi, yana Djudjak to'pni egallab chap oyog'i bilan kuchli zarba yo'llab dublga erishdi - 3:2.

Uchrashuvning 62-daqiqasida chap qanotdan havolatib uzatilgan to'pni Ronaldu boshi bilan Kiray darvozasiga yo'lladi - 3:3.

Evro-2016. "F" guruhi, 3-tur.
VENGRIYA - PORTUGALIYA 3:3
MATNLI TRANSLYACIYA
22 iyun. Lion. "Stad-de-Lion" stadioni.
Hakam - Martin Atkinson (Angliya).

Gollar: Gera 18, - 1:0. Nani 41, - 1:1. Djudjak 47, - 2:1. Ronaldu 49, - 2:2. Djudjak 55, - 3:2. Ronaldu 62, - 3:3.

Vengriya - Gabor Kiray, Mixay Korxut, Roland Yuxas, Richard Guzmich, Adam Long, Adam Pinter, Zoltan Gero, Akosh Elek, Gerge Lovrenchich (Shtiber, 81), Balaj Djudjak (s), Adam Salai (Nemet, 70)

Portugaliya - Ruy Patrisiu, Elizeu, Rikardu Karvalyu, Pepe, Vieyrinya, Joau Mariu, Joau Moutinyu (Renato Sanshesh, 46), Villyam Karvalyu, Andre Gomesh (Kuarejma, 61), Nani (Danilo, 80), Krishtianu Ronaldu (s)

EVRO-2016. Gollar shousida kuchlar teng yoxud Vengriya - Portugaliya 3:3