Polsha o'tgan Evropa chempionatlarida 6ta o'yin o'tkazib umuman g'alaba qozona olmagandi. Franciyadagi musobaqada esa 4ta o'yin o'tkazib 2ta g'alaba va 2ta durang qayd etdi. Nimchorak finalda Adam Navalka shogirdlari Shveycariyani penaltilar seriyasida mag'lub etishdi.

Portugaliya o'z tarixida oltinchi marta chorak finalga chiqdi va bu borada mutloq rekordchiga aylandi. Portugaliyaning Evropa chempionatlaridagi oxirgi 5ta o'yinida asosiy vaqt durang qayd etilgan.

Fernandu Santush jamoasi guruh bosqichida 3ta durang qayd etdi. Nimchorak finalda portugaliyaliklar Xorvatiyani qo'shimcha taymlarda 1:0 hisobida mag'lub etishdi.

Polsha va Portugaliya terma jamoalari shu kungacha 10 marta to'qnash kelishgan. 4ta uchrashuvda Portugaliya, 3 marta Polsha zafar quchgan. Qolgan 3ta o'yinda durang qayd etilgan.

Uchrashuv Marsel shahridagi "Velodrom" stadionida bo'lib o'tadi. EVRO-2016da bu stadionda 4ta o'yin bo'lib o'tgan. Angliya - Rossiya 1:1, Franciya - Albaniya 2:0, Islandiya - Vengriya 1:1, Ukraina - Polsha 0:1. "Velodrom"da yarim final o'yini ham bo'lib o'tadi.

O'yinni germaniyalik Feliks Brix boshchiligidagi hakamlar boshqarib borishadi. Bu hakam EVRO-2016da ikki uchrashuvda ishladi: Angliya - Uels 2:1 va Shveciya - Belgiya 0:1. Brix ikkita bahsda jami 5ta ogohlantirish ko'rsatdi.

Evro-2016, 1/4 final.
POLSHA - PORTUGALIYA
30 iyun. Marsel. "Velodrom" stadioni. 23:55
Bosh hakam - Feliks Brix (Germaniya).

TAXMINIY TARKIBLAR

Polsha: Fabyanski; Pishek, Glik, Pazdan, Endjeychik; Blashikovski, Krixovyak, Monchinski, Grosicki; Milik, Levandovski.
Sariq kartochkasi bor futbolchilar: Grosicki, Monchinski, Peshko, Pishhek, Pazdan, Endjeychik

Portugaliya: Ruy Patrisiu; Sedrik, Fonte, Pepe, Gerreyru; Silva, Villyam Karvalyu, Sanshesh, Mariu; Nani, Ronaldu.
Sariq kartochkasi bor futbolchilar: Villyam Karvalyu, Pepe, Kuarejma

EVRO-2016. Polsha - Portugaliya uchrashuvi prevyusi