Angliya – Xorvatiya 1:0

"Uembli"

Gol: 1:0 – 57 Sterling.

Angliya – Pikford, Uoker, Mingz, Tripper, Stounz, Rays, Fillips, Foden (Reshford, 71), Maunt, Sterling (Kelvert-Lyuin, 90), Keyn (Bellingem, 82).

Xorvatiya – Livakovich, Gvardiol, Vida, Chaleta-Car, Vrsalko, Brozovich (Vlashich, 70), Kovachich (Pashalich, 85), Perishich, Modrich, Rebich (Petkovich, 78), Kramarich (Brekalo, 70).

Ogohlantirishlar: Chaleta-Car (42), Kovachich (48), Foden (64), Brozovich (66).

UCHRASHUV YAKUNLANDI!

90+2. O'zgarish: Sterling o'rniga Kalvert-Lyuin maydonga tushdi.

85. O'zgarish: Kovachich o'rniga Pashalich maydonga tushdi.

83. Hozirgina bahsga qo'shilgan Bellingem o'yinga tez kirishib ketdi.

82. O'zgarish: Xarri Keyn o'rniga Jud Bellingem maydonga tushdi.

78. O'zgarish: Rebich o'rniga Petkovich maydonga tushdi.

74. ZARBAAA... Sterling himoyachilar qaytargan to'pni darvozaga yo'lladi, ammo to'p umuman boshqa yo'nalishda uchib ketdi.

71. O'zgarishlar: Brozovich va Kramarich o'rniga Vlashich hamda Brekalo o'yinga qo'shilishdi. Angliyada esa Foden maydonni tark etdi, Reshford maydonga tushdi.

68. Ikkala jamoada o'zgarishlar tayyorlanyapti.

67. Angliyaliklarda gol urish uchun yana bir imkoniyat. Raqib jarima maydonchasi oldidagi standartni Foden ijro etdi. To'p darvozaning ustidan o'tib ketdi.

65. Rebich jarima maydonchasi ichidan Angliya darvozasiga zarba berdi, noaniq.

64. Sariq kartochka. Foden Gvardiolning oyog'ini bosib olgani uchun jazolandi.

62. Keyn o'rnidan turdi va maydonga qaytdi.

61. ZARBAAA... Keyn Mauntning qanotdan uzatgan to'pini darvozaga yo'llashga urindi, ammo noaniq. Biroq zarbadan so'ng u ustunga urilib ketdi, shifokorlar tibbiy yordam ko'rsatishmoqda. Hammasi yaxshi deb umid qilamiz.

57. GOOOL! STERLING! Nixoyat inglizlar hisobni ochishdi va bu ishni Raxim ismli yigit amalga oshirdi. Hujumni Kayl Uoker boshlab berdi, uning uzatmasini Kalvin Filipps qabul qilib, bir futbolchidan o'tdi va to'pni ochilib borayotgan Sterlingga uzatdi. Raxim esa qarshisida bir futbolchi bo'lishiga qaramasdan darvozaga zarba berdi va bu qaror to'g'ri bo'lib chiqdi.

53. Birinchi bo'lim boshidagi faollikdan so'ng inglizlarning "batareyka"si quvvatsizlanib qolgandek tuyilmoqda. Angliya terma jamoasi juda sust harakat qilyapti.

48. Sariq kartochka. "Chelsi" futbolchilarining (Maunt va Kovachich) o'zaro to'qnashuvida xorvatiyalik qo'pol o'ynadi va hakam tomonidan jazolandi.

46. Jamoalar maydonga qaytishdi va ikkinchi bo'lim boshlandi. Tayron Mings taym boshlanishi bilan o'z darvozasiga gol olib kelishiga oz qoldi. U tepayotgan to'pga xorvatiyalik futbolchi oyoq qo'ydiva Mingsning baxtiga to'p darvozaga emas, boshqa tomonga ketdi.

TANAFFUS!

43. ZARBAAA... To'p jonli devordagi futbolchiga tegib, maydonni tark etdi.

42. Chaleta-Car o'z jarima maydonchasi chizig'i ustida to'pni qo'li bilan o'ynadi. Inglizlarda hisobni ochish uchun ajoyib vaziyat paydor bo'ldi. To'p qarshisida Maunt va Triper.

40. Jamoalar o'yini juda zerikarli, muxlislar ham telefonlarini olib suratga tushishni boshlab yuborishdi.

35. O'yin tempi ancha pasaydi va jamoalar ko'proq markazda o'ynab, to'p almashishmoqda.

30. Xorvatiya o'yinni markazroqqa ko'chirdi va endi asta-sekinlik bilan hujumlar tashkil qilmoqda.

27. Perishich qarama-qarshi qanotdan uzatilgan to'pni darvozaga joylashga urindi, ammo zarba noaniq.

23. Hozircha uchrashuvdagi yagona golga yaqin kelgan vaziyat muallifi - Fil Foden.

20. Xorvatiyaning hujumlari soni keskin pasayib ketdi, chunki Angliya markazdayoq raqibni "bo'g'ib" qo'ymoqda.

17. Inglizlar raqib darvozasidan 35-40 metr uzoqlikda standart ishlab olishdi. To'p havolatib Xarri Keynga uzatildi, biroq yon hakam bayroqchasini ko'tarib, ofsayd borligini malum qildi.

13. Bahs boshlanishidan avval kecha yurak hurujiga uchragan Kristian Eriksenga sog'liq tilashdi. Biz ham ushbu tilaklarga qo'shilib qolamiz.

10. Angliya terma jamoasi tinimsiz hujum tashkil qilib, raqibni shoshirib qo'ymoqda, tez orada gol ko'rishimiz mumkin.

8. Inglizlar fint va mayda paslar orqali ajoyib hujum tashkil qilishdi, ammo Sterling so'nggi zarbani bera olmadi.

5. ZARBAAA... Sochini bo'yab olgan Fodenning chap oyoqda uzoq burchakka bergan zarbasi darvoza ustuniga tegib qaytdi.

4. Xorvatiya hujum qilayotgan vaqtda to'p hakamga tegib ketdi, ammo xorvatlar hujumni davom ettirayotgandi, referi esa xushtak chalib, bahsni to'xtatdi va to'pni mehmonlarga tashlab berdi.

1. Uchrashuv boshlandi.

Angliya - Xorvatiya
18:00, "Uembli"
Angliya - 1. Jordan Pikford, 2. Kayl Uolker, 4. Deklan Rays, 5. Jon Stounz, 9. Xarri Keyn, 10. Rahim Sterling, 12. Kiran Tripper, 14. Kelvin Filips, 15. Tayron Mings, 19. Meyson Maunt, 20. Fil Foden.
Xorvatiya - 1. Dominik Livakovich, 25. Yoshko Gvardiol, 21. Domagoy Vida, 5. Due Chaleta-Car, 2. Sime Vrsalko, 8. Mateo Kovachich, 11. Marselo Brozovich, 10. Luka Modrich, 4. Ivan Perishich, 17. Ante Rebich, 9. Andrey Kramarich.

Evro-2020. Angliya Xorvatiyani mag'lubiyatga uchratdi