Qiziqarli va gollarga boy uchrashuv "Nemis mashinasi" foydasiga hal bo'ldi.

Portugaliya – Germaniya 2:4
Gollar: 1:0 – 15 Ronaldu, 1:1 – 35, avtogol Ruben Diash, 1:2 – 39, avtogol Gerreyru, 1:3 – 51 Xavertc, 1:4 – 60 Gozens, 2:4 – 67 Diogu Jota.
Portugaliya – Ruy Patrisiu, Semedu, Ruben Diash, Pepe, Gerreyru, Danilu Pereyra, Vilyam Karvalyu (Rafa Silva, 58), Bernardu Silva (Sanshesh, 46), Brunu Fernandesh (Moutinyu, 64), Diogu Jota (Andre Silva, 83), Ronaldu.
Germaniya – Noyer, Ginter, Ryudiger, Xummels (Djan, 63), Gozens (Xalstenberg, 62), Gyundogan (Zyule, 73), Kimmix, Xavertc (Goretcka, 73), Kroos, Myuller, Gnabri (Sane, 87).
Ogohlantirish: Xavertc (66), Ginter (77).

Ushbu sahifada uchrashuvning matnli translyaciyasini kuzatib borishingiz mumkin bo'ldi.

YANGILASH

Shu pallada uchrashuv bosh hakamining final hushtagi chalindi va Germaniya musobaqadagi ilk g'alabasini qo'lga kiritdi.

90+4. Burchak zarbasidan keyin Noyer jarima maydonchasida tahlikali holat yuzaga keldi, ammo oxirgi zarba beradigan futbolchi topilmadi.

90+3. Xavfli vaziyat! Kutilmaganda germaniyalik futbolchi to'pni oldirib qo'ydi, Ronaldu katta tezlikda raqib darvozasiga yaqinlashib keldi va jarima maydonchasidagi Andre Silvaga to'pni oshirdi, hujumchining zarbasi darvozaga borishiga esa himoyachilar yo'l qo'ymadi.

Uning birinchi daqiqasini nemislar hujumda o'tkazdi.

O'yinning asosiy vaqtiga 4 daqiqa qo'shib berildi.

90. Ronaldu chap qanotda ikki raqibini dribling yordamida dog'da qoldirib ketish niyatida edi, ammo nazoratni qo'ldan chiqardi va to'p maydonni tark etdi.

89. Portugaliya bosimni davom ettirmoqda. Ketma-ket burchak zarbalari, hujumlar...

88. Semedu o'ng qanotdan katta tezlikda jarima maydoniga kirib borgandi, lekin Niklas Zyule oxirgi pallada to'p yo'liga to'g'anoq bo'ldi va faqatgina burchak zarbasi.

87. O'zgarish! Gnabri o'rnini Leroy Sane egalladi.

85. Nelson Semedu raqibning hujumini to'xtatish maqsadida Toni Kroosga nisbatan qo'pollik ishlatishga majbur bo'ldi.

83. O'zgarish! Diogu Jota o'rniga Andre Silva.

82. Germaniyaning xavfli qarshi hujumi va Leon Gorecka o'zi zarba berishga qaror qildi, lekin ustunga tegib, to'p maydonni tark etdi.

81. Portugaliya hech bo'lmasa bir ochkodan umidini uzganicha yo'q. Rafa Gerrero kutilmaganda raqibidan to'pni ilib ketdi, ammo sheriklari orqaroqda qolib ketgani uchun xavfli vaziyat yuzaga kelmadi.

78. Renatu Sansheshning zarbasidan keyin to'p darvoza to'siniga tegib qaytdi!!!

77. Ogohlantirish! Matias Ginter sariq kartochka bilan ogohlantirildi.

76. "Qariya" Pepe yaqindagina maydonga tushgan, yosh Goreckadan tezroq harakat qilib, xavfni bartaraf etdi.

73. O'zgarish! Gyundogan o'rniga Niklas Zyule, Kay Xaverc o'rniga esa Leon Gorecka o'yinga qo'shildi.

70. Futbolchilar suv ichib olishlari uchun imkoniyat yaratildi.

67. GOOOOOOOOOOOOOOOOOOOOOOOOOOOOOOOL! Jota hisobni qisqartirdi – 2:4!

65. Kay Xaverc ogohlantirildi.

64. Portugaliyada o'zgarish: Fernandesh o'rniga Moutinyu tushdi.

63. Germaniyada 2 ta almashtirish: Gosens o'rniga Xalstenberg, Xummels o'rniga Jan o'yinni davom ettiradi.

60. GOOOOOOOOOOOOOOOOOOOOOOOOOOOOOL! Gosens hisobni yirik ko'rinishga keltirdi – 1:4!

58. Portugaliyada o'zgarish: Karvalyu o'rniga Silva tushirildi.

54. Zarba! Krishtianu Ronalduning jarimadan yo'llagan zarbasi ancha noaniq ketdi.

51. GOOOOOOOOOOOOOOOOOOOOOOOOOOOOOOOOOL! Xaverc! Gosensning ajoyib uzatmasidan keyin Kay deyarli bo'sh darvozani ishg'ol etdi – 1:3!

46. Portugaliyada o'zgarish: Bernardu Silva o'rniga Renatu Sanshesh tushdi.

46. Ikkinchi bo'lim boshlandi!

Birinchi bo'lim tugadi. Hozircha hisob – 1:2. Tanaffus!

Birinchi bo'limga 3 daqiqa qo'shildi.

44. Robin Gosens birga-bir holatsha chiqib bordi va zarba yo'lladi. Patrisiu zarbani qaytardi. Tasanno!

39. GOOOOOOOOOOOOOOOOOOOOOOOOL! Gerreyrudan avtogol! "Nemis mashinasi" hisobda oldinga chiqib oldi – 1:2!

35. GOOOOOOOOOOOOOOOOOOOOOOOOOOOL! Hisob tenglashdi! Gosensning qulay uzatmasidan so'ng Xaverc darvozani ishg'ol qildi – 1:1!

29. Robin Gosensning ichkariga uzatmasidan keyin himoyachilar to'pni uzoqlashtirildi.

28. Diogu Jotaning bosh bilan bergan zarbasi aniq chiqmadi. To'p darvoza to'sini ustidan o'tib ketdi.

24. Mattias Ginterning uzatmasini himoyachilar bartaraf etishdi. To'p maydondan chiqib ketdi.

19. Kay Xaverc raqibni aldab o'tishga urindi. U Ruben Diashga nisbatan qoidani buzishga ham ulgurdi.

15. GOOOOOOOOOOOOOOOOOOOOOOOOOOL! Ronaldu hisobni ochdi – 1:0!

12. Yaxshi vaziyat! Toni Kroos jarima maydoniga yaqin hududda qulay imkonyatga ega chiqdi, uning zarbasidan keyin himoyachi zarba yo'liga to'g'anoq bo'ldi.

3. Germaniya o'z o'yinini topib oldi, chiroyli kombinaciyalar amalga oshirilmoqda.

1. O'yin boshlandi!

Evro-2020. Germaniya musobaqadagi birinchi g'alabasini qo'lga kiritdi