Evro-2024. Yarim final

10 iyul, 23.59, Signal Iduna Park

Niderlandiya – Angliya 1:2

Gollar: 1:0 – 7 Simons, 1:1 – 18, penalti Keyn, 1:2 – 90 Uotkins.

Niderlandiya – Verbryuggen, Dumfris (Zirkze, 90), de Vrey, van Deyk, Ake, Sxauten, Reynders, Simons (Brobbi, 90), Malen (Vegorst, 46), Gakpo, Depay (Verman, 35).
Angliya – Pikford, Uoker, Stounz, Gexi, Tripper (Shou, 46), Rays, Foden (Palmer, 80), Bellingem, Maynu (Gallaxer, 90), Saka (Konsa, 90), Keyn (Uotkins, 81).
Ogohlantirishlar: Dumfris (17), Bellingem (72), Saka (86), van Deyk (87), Simons (90+1), Tripper (90+4).

MATNLI TRANSLYACIYA

90+5. O'yin yakunlandi! Angliya finalda. Ispaniya va Angliya Evropa chempionligi uchun o'yin o'tkazishadi!

90+1. GOOOOOOOOL! Angliya g'alaba golini urmoqda. Olli Uotkins o'tkir burchakdan super zarba yo'llab, Angliyani hisobda oldinga olib chiqdi.

90. O'yinning asosiy vaqtiga ikki daqiqa qo'shib berildi.

88. Palmerning qulay holatdan bergan zarbasi noaniq chiqdi.

87. Burchak to'pisiz qolgan van Deyk etiroz bildirdi va bu uchun sariq kartochkaga "loyiq" ko'rildi.

86. Niderlandiyaning istiqbolli hujumini to'xtatib qolgan Saka ogohlantirildi.

84. Niderlandiya o'ta xavfli qarshi hujum tashkil qilishdi. Reynders ajoyib reydni amalga oshirdi, ammo oxirgi pas biroz xato.

81. O'zgarishlar. Keyn va Foden maydondan olindi, Uotkins va Kol Palmer maydonga tushdi.

80. Yo'q, Angliya kiritgan golda ofsayd bor ekan. Hisob o'zgarishsiz qoldi.

~~79. GOOOOOOOL! Uokerning pasidan so'ng Saka to'pni darvozaga joylab qo'ydi.~~

77. Xavi Simons to'pni sakratib darvozaga yo'lladi, Pikford to'pni egallab oldi.

72. Jud Bellingem o'ta qo'pol o'yini sabab ogohlantirildi.

68. Gakponing qanotdan uzatgan to'pini Pikford egallay olmadi va maydon tashqarisiga chiqarib yubordi.

63. Zarbaaa! Ven Deyk kutilmaganda darvozani nishonga oldi. Pikforddan seyv!

50. Angliya to'p nazoratini qo'lga olgan.

46. Ikkinchi bo'lim boshlandi.

45+3. Tanaffus, Birinchi bo'lim yakunlandi.

45+2. Ikkala jamoa ham tanaffusni istashmoqda.

45. Birinchi bo'limga uch daqiqa qo'shib berildi.

39. Zarbaaa! Fodendan ajoyib urinish, ammo Verbryuggen to'pni egallab oldi.

35. Memsif Depay jarohati sabab almashtirildi, uning o'rnini Yoey Verman egalladi.

34. Depay jarohat olgan ko'rinadi.

32. Zarbaaaaaaaaaaa! Nima bu? Fil Fodendan super zarba. Foden Yamalning kechagi zarbasini deyarli takrorladi, farq shundaki, Fil darvoza ustunini tashqi tarafini nishonga oldi.

30. Zarbaaaaaa! Denzel Dyumfris boshi bilan darvoza to'sinini nishonga oldi!

29. Niderlandiyada ajoyib hujum. Depay qarshi hujumda oldinga o'tdi va to'pni Malenga oshirdi. Malenning zarbasi esa bloklandi. Burchak zarbasi.

24. Angliya ustunlikni qo'lga olmoqda.

23. Qanday vaziyat? Fil Fodenning kuchsiz zarbasi raqibga noqulaylik to'g'dirdi. Dyumfris to'pni darvoza chizig'idan qaytardi!

18. GOOOOOOOOOL! Harri Keyn penaltidan hisobni tenglashtirdi. 1:1

17. Dyumfris bu harakati uchun sariq kartochka ham oldi.

17. Penalti! Angliya tepadi. Dyumfris Keyn zarba berayotgan payt hujumchining oyog'iga o'ynagan ekan.

15. Keyn penalti so'ramoqda. VAR bu vaziyatni ko'rib chiqishi mumkin.

14. Zarbaaaa! Saka juda cho'zib yuborgan vaziyatda to'p Keynga bordi. Harri esa o'ta kuchli, lekin biroz noaniq zarba berdi.

7. GOOOOOOOOOOL! Niderlandiya hisobni ochmoqda. To'pni Angliya himoyachisidan olib qo'ygan Xavi Simons o'ta kuchli zarbasi bilan inglizlarni dog'da qoldirdi

4. Dastlabki daqiqalardagi tempga qaraganda, bugun zerikib qolmaymiz.

1. O'yin boshlandi!

- Ikki mamlakat madhiyalari yangradi.

- Jamoalar maydonga tushib kelishdi.

Evro-2024. Uotkinsning so'nggi daqiqalardagi goli Angliyani finalga olib chiqdi. Ispaniya – Angliya finalini ko'ramiz!