Европа Чемпионлар Лигаси, Европа Лигаси, УЕФА Ёшлар Лигаси ва Аёллар Чемпионлар Лигасининг бўлажак ўйинлари коронавирус пандемияси қурбонлари хотираси учун бир дақиқалик сукут билан бошланади, деб хабар берди УЕФА расмий сайти.

Бундан ташқари, футболчилар майдонга ўзлари танлаган тилда "Раҳмат" ёзувли либосларни кийиб тушишади, бу орқали улар пандемияга қарши курашаётган тиббиёт ходимларига ўз миннатдорчилигини билдиришади.

"Мен еврокубокларнинг қайтаётганидан хурсандман, аммо биз яна футбол ўйнашимизга имкон берган садоқатли одамларни унутмаслигимиз керак", - деди УЕФА президенти Александер Чеферин.

Чемпионлар лигасининг 1/8 финал босқичи 7-8 август, чорак финал ўйинлари 12-15 август, ярим финаллар эса 18-19 август кунлари бўлиб ўтади. Финал 23 августга белгиланган.

Еврокубок баҳслари бир дақиқалик сукут билан бошланади