Uchinchi Evropa chempionati 1968 yilning 5-10 iyun kunlari Italiyada bo'lib o'tgan.

Aynan ushbu turnirdan boshlab “Evropa Kubogi” nomi “Evropa Chempionati”ga o'zgartirilgan. Shuningdek, o'sha turnirdan boshlab Olimpiya sistemasi bekor qilingan.

Yangi qoidalarga ko'ra terma jamoalar 8 ta guruhga bo'linganlar va ikki davralik o'yinlarda ishtirok etganlar. Chorak finaldan boshlab esa uy-safar tizimida o'yinlar o'tkazila boshlagan. O'sha turnirda jamoalar ilk marotaba savatchalarga ajratib o'tilgan. Ishtirokchilar soni esa 31 tani tashkil qilgan.

Turnir g'olibligini esa finalda Yugoslaviyani 2:1 hisobida mag'lub etgan mezbonlar – Italiya terma jamoasi qo'lga kiritgan.

Uchinchi o'rin uchun o'yinda Angliya Sobiq Ittifoq terma jamoasini 2:0 hisobi bilan yutgan va bronza medallarini qo'lga kiritgan.

Chempion: Italiya

Ikkinchi o'rin: Yugoslaviya

Uchinchi o'rin: Angliya

Turnirning eng yaxshi futbolchilaridan biri - italiyalik Jachinto Fakketti

Shuni qo'shimcha qilib o'tish lozimki, o'shanda Italiya hamda Sobiq Ittifoq terma jamoalari o'rtasidagi yarim final bahsida durang natija qayd etilgan. G'olib esa qura orqali aniqlangan. Qurada esa mezbonlarning omadi kelgan va final yo'llanmasini qo'lga kiritib, keyinchalik turnir chempioniga aylanishgan.

Avvalgi chempionatlar:

Evropa chempionatlari tarixi: Evro-1960

Evropa chempionatlari tarixi: Evro-1964

Evropa chempionatlari tarixi: Evro-1968