Futbolchi o'yinni asosiy tarkibda boshlab, 67-daqiqada o'z o'rnini Aleks Ivobiga bo'shatib berdi. Bu vaqtda "Arsenal" allaqachon 0:3 hisobida yutqazayotgan edi.

Torreyra almashtirilayotgan vaqtida yig'lab yubordi va ko'z yoshlarini yashirish uchun yuzini libosi bilan berkitishga harakat qildi. Hatto zaxira o'rindig'ida ham yig'lashdan to'xtamadi.

Torreyraning sobiq jamoasi bo'lmish Italiyaning "Sampdoriya" jamoasi ham futbolchini qo'llab-quvvatladi.

"Karerangda yomon va yaxshi kunlar bo'ladi, ammo har doim boshingni baland tutib yur. Biz senga ishonamiz", - deyiladi jamoa xabarida.

Torreyra o'tgan yil yozda "Sampdoriya"dan "Arsenal" safiga ko'chib o'tgan edi.

Futbolchi joriy mavsum barcha turnirlarda 57ta o'yinda maydonga tushib, 2ta gol va 3ta assistga erishgan.

Evropa Ligasi finalida Torreyra yig'lab yubordi