"Эйр Форс" ҳужумчиси Мунтазар Абдул Амир ҳамда клуб бош мураббийи Аюб Одишо ўртасида низо келиб чиққач, футболчи жамоасини алмаштиришга қарор қилган.

Ал Халиж нашри хабарига кўра, можаро ўтган душанба куни Осиё Чемпионлар Лигасининг 1-турида "Эйр Форс" ва Эроннинг "Сепахон" учрашуви қайдномасига футболчининг киритилмаганидан сўнг келиб чиққан.

2:2 ҳисобида якунланган баҳсдан сўнг футболчи машғулотларда қатнашмаган, бу эса мураббийнинг ундан воз кечишига сабаб бўлган.

Клуб раҳбарияти икки томон ўртасидаги низони юмшатишга ҳаракат қилмоқда, бироқ улар ўз қарорида қатъий туриб олишган.

Хабарларга кўра, Абдул Амирга "Ал Завра"дан таклиф тушган, бироқ "Эйр Форс" клубнинг асосий рақобатчиларидан бирининг таркибини кучайтиришни истамайди.

Эслатиб ўтамиз, Ироқ клуби ОЧЛнинг 2-турида Ўзбекистоннинг ОКМК клуби майдонига сафар уюштиради.

"Эйр Форс" футболчиси мураббий билан жанжаллашгани боис жамоани тарк этмоқчи