Futbol agenti Silvano Martino:

"Men Fabioni futbolni eng yuqori darajada o'zlashtirgan o'yinchi sifatida bilaman. Bundan tashqari, u murabbiy sifatida ham yaxshigina tajribaga ega. U Italiyadan tashqarida ko'p ishlagan. Qiyin sharoitlarda ham faoliyat olib borgan. Uning yangi jamoani qanday his qilishi juda muhim. Muvaffaqiyatga erishish uchun yaxshi o'yinchilar va jamoaviy ruh kerak".

Jurnalist Adriano Ankona:

"Menimcha, bu yaxshi tanlov. Italiyada u ikki yil oldin "Udineze"ni qutqarib qolgan edi. Bu voqea esda qolarli bo'lgandi. Fabioning ishini davom ettirmagani uning aybi emas".

"Fiorentina" sobiq darvozaboni Sebastyan Frey:

"Fabioda futbolchilik faoliyatida ulkan va murabbiy sifatida yaxshi tajriba shakllangan. Menimcha, bu jihatlar eng muhimi hisoblanadi. U bu tajribani o'yinchilar bilan baham ko'rishi va ularga o'z kuchiga ishonch uyg'otishi mumkin".

Mashhur murabbiy va futbolchi Valter Novellino:

"Men uni juda yaxshi inson sifatida bilaman. Fabio hozircha murabbiy sifatida katta yutuqlarga erishmagan bo'lsa-da, uning oldida katta imkoniyatlar mavjud. Muhimi, u futbolchilik faoliyatida buyuk murabbiylar bilan ishlagan. U o'yinchilarga ko'p narsalarni o'rgatishi va ularni o'ziga ishonishga undashi mumkin".

"Fabio futbolchi va murabbiy sifatida katta tajribaga ega" – xorijlik mutaxassislar munosabati