Yakshanba kuni Angliya Premer-ligasida "Arsenal" va "Manchester Yunayted" to'qnashuvida "to'pchilar" 3:2 hisobida ustun keldi. London klubi ushbu g'alabadan keyin turnir jadvalidagi peshqadamligini davom ettirib, 5 ochkolik farqni saqlab qoldi.

Manbaga intervyu bergan ispaniyalik futbolchi Sesk Fabregas Artetani klub haqidagi tasavvurni o'zgartirgani uchun maqtadi, chunki Arteta "Arsenal"ni chempionatda kuchli to'rtlikka kirish uchun kurashadigan jamoadan Evropaning eng kuchli jamoalaridan biriga aylantirdi.

"U ajoyib ishladi. Biz buni hujjatli filmda ko'rdik. U qanday qilib futbolchilarni oldinga yurishga chorlashini va u futbolchilarni qay darajada tushuna olishiga guvoh bo'ldik.
Klub haqidagi tasavvur o'zgardi. Mashg'ulotlar maydonchasi atrofida yaxshi o'zgarishlar bor, kattaroq joylar, yaxshi jihozlar, maydonlar, nimaiki o'ylasangiz hamma narsa bor.
Uning o'z qarashlari bor edi va u bazi to'g'ri ishlarni qilmagan futbolchilarni sotganida klub uni qo'llab-quvvatladi. Arteta ularni o'zgartirdi. Yosh menejer uchun buni bajarish oson bo'lmaydi. Bunday qarorlarni qabul qilish uchun shaxsiyat kerak.
Ularda (Zinchenko va Jezusda) klubga bo'lgan ishtiyoq bor. Ular bugungi kunda sizdan ustun bo'lgan klubdan keldilar. Top-o'yinchilar bilan aloqada bo'lgan murabbiyga ega bo'lish, albatta, klub uchun katta plyus", – dedi Sesk Fabregas.

Fabregas: "Arteta fantastik ishni bajardi"