Ispaniya terma jamoasi, "Arsenal", "Barselona", "Chelsi", "Monako" va "Komo" sobiq yarim himoyachisi bu haqda ijtimoiy tarmoqda elon qildi.

"Butsalarimni mixga ilish vaqti kelganini katta qayg'u bilan malum qilyapman. JCH va Evrodagi g'alabalardan Angliya va Ispaniya hamda deyarli barcha sovrinlargacha. Unutilmas faoliyat.

Menga yordam bergan hammadan minnatdorman. Oilmadagi barchaning maslahatlarini qadrlayman.

Meni taslim etishga uringanlarga ham rahmat aytaman, ular meni kuchliroq futbolchiga aylantirishdi. Faoliyatim davomida 3 tilni o'rgandim, sayoxatlarda aqlliroq inson bo'ldim. Orzu ham qila olmaydigan tajriba to'pladim.

Endi oq chiziqning ortiga o'tib, "Komo" yoshlarini shug'ullantirmoqchiman.

Xayrlashish vaqti keldi. Maydondagi har bir daqiqamni yaxshi ko'rardim" - deb yozdi Fabregas.

Fabregas 2003 yilda kattalar futbolida "Arsenal" safida debyut qilgan. Sesk faoliyati davomida 16ta sovrin yutgan.

Fabregas futbolchilik faoliyatini yakunladi