"To'g'risini aytsam, o'sha davrdagi "Yuventus"da mustahkam o'rnashib olishning iloji yo'q edi. Atrofingda shunday yulduzlar bo'lsa-yu, buni qanday amalga oshirish mumkin? Ammo "Yuventus"da qolib, ijaraga yo'l olganimda, kareram boshqacha yo'nalishda rivojlanishi mumkin edi. Shunday yo'l tutganlarning barchasi keyinchalik A Seriyada eng yuqori darajada o'yin namoyish etishdi.

Ular bosqichma-bosqich harakat qilishdi. "Yuventus" yosh futbolchilarni B Seriyaga ijaraga berardi, u erda ular har bir o'yinda to'liq 90 daqiqa davomida maydonda bo'lishardi. Men "Parma" yoki "Askoli"ga o'tishim mumkin edi, ikkala klub ham jiddiy qiziqish bildirgandi. Hatto mahalliy gazetalar ham bu haqda yozishgandi. Agar u erga borganida, "Yuventus" ijara davrida maoshimning taxminan 70 foizini to'lagan, qolgan 30 foizini esa B Seriya klubi to'lagan bo'lardi. Buning evaziga yangi jamoa menga etarlicha o'yin amaliyotini berishi kerak edi. Bu jarayon yosh futbolchi uchun eng muhim narsa hisoblanadi.

Biroq ijaraga yo'l olishni istamadim, buning oqibatida taxminan 5-6 oyni yo'qotdim. Keyinchalik, baribir A Seriyada ishtirok etayotgan "Redjina"ga o'tdim. O'sha paytda jamoa bosh murabbiyi Valter Macarri edi. A Seriyadagi debyutimni "Yuventus"ga qarshi o'yinda o'tkazdim. Keyin juda og'ir jarohat oldim: to'piq boylamlarim batamom uzildi. Tiklanishim taxminan 7 oy davom etdi.

Shundan so'ng B Seriyasidagi "Krotone" klubiga bordim. A Seriyani tark etishni istamasdim, albatta, ammo jarohatdan keyin o'sha daraja va o'yin suratiga "moslashishim" qiyin bo'lishini tushunardim. 2003-2004 yillarda A Seriya o'zining eng yuqori cho'qqisida edi. Daraja tasavvur qilib bo'lmaydigan darajada yuqori edi".

Ilyos Zeytullaev ishtirokidagi "Fint To'raev" podkastining to'liq versiyasi bilan quyidagi havola orqali tanishishingiz mumkin (rus tilida):

"Faoliyatim boshqacha bo'lishi mumkin edi". Ilyos Zeytullaev Italiya A Seriyasida mustahkam o'rnashib qola olmaganining sababini aytdi