Uchrashuvni vakillarimiz shiddatli hujumlar ostida boshlashdi. No'mon Hasanov shogirdlari ilk daqiqalardan raqib darvozasi oldida xavfli vaziyatlarni yuzaga keltirishdi. Lekin ketma-ket tashkil etilgan hujumlar samarasiz yakunlanaverdi. 41-daqiqada hisob ochildi. Filip Rayevac darvozabon birga-bir vaziyatga chiqib borib, darvozani ishg'ol etdi. Birinchi bo'lim shu hisobda yakunlandi.

Ikkinchi taym jamoamiz uchun omadli boshlandi. 48-daqiqa o'tib borayotgan paytda quvasoyliklar o'z jarima maydonchalari ichida Suhrob Berdievni chalib yiqitishdi. Bosh hakam “Cementchi-1” darvozasi tomon penalti belgiladi. O'n bir metrli nuqtaga Berdievning o'zi yaqinlashdi. Suhrobning zarbasini quvasoyliklar posboni qaytarishga ojiz qoldi.

Oradan ikki daqiqa o'tib, Berdiev-Rayevac ijrosida ajoyib kombinaciya tashkil etildi. So'nggi pallada Filipning zarbasiga aniqlik etishmadi.

68-daqiqada Andrey Sidirovda yaxshi imkoniyat vujudga keldi. Lekin hujumchimizga aniqlik etishmadi. 78-daqiqada yana Sidirov qulay imkoniyatdan foydalana olmadi. 81-daqiqada Rayevac tomonidan kiritilgan gol inobatga olinmadi. Hakamlar serbiyalik hujumchini o'yindan tashqari holatda qolib ketdi deb topishdi.

88-daqiqada Andrey Sidirov boshi bilan quvasoyliklar darvozasini aniq nishonga oldi va hisobni yirik kurinishga olib keldi.

Shunday qilib, jamoamiz musobaqadagi yirik g'alabasini qo'lga kiritdi.

“Viloyat Hokimi Kubogi-2017”

“B” guruhi

3-tur

“Qo'qon-1912-1” – “Cementchi-1” – 3:0 (1:0)
Hakamlar: Temur To'xtasinov, Anvar Marajabov, Ziyodullo Abdurahmonov, Aziz Tolipov.
Gollar: Filip Rayevac-41, Suhrob Berdiev-48, Andrey Sidirov-88.

“Qo'qon-1912-1”: 13. Nikita Ribkin, 6. Bahodir Akramov 7. Jamshid Hasanov (17. Andrey Sidirov-63), 8. Akmal Xolmurodov, 10. Javohir Sidiqov 11. Nikola Valentich (19. Avaz Mamatxo'jaev-60), 15. Oybek Rustamov (70. Sobir Hamidov-57), 23. Jalil Kimsanov, 24. Filip Rayevac, 29. Suhrob Berdiev (75. Ibrohim Rahimov-66), 31. Darko Gojkovich.
Zaxira: 12. Aziz Ashurov, 90. Orif Mamajonov, 99. Muhammadanas Hasanov.

“Cementchi-1”: 16. Ilhom Jumanov, 2. Jo'rabek Yoqubov, 3. Oqilbek Mahmudov, 4. Rahmatullo Meliboev (18. Islom Karimov-61), 5. Abduholiq Qurbonov, 6. Otabek Ahmadjonov, 7. Davron Isaqov, 9. Sarvar Sotivoldiev, 10. Elyor Akbarov (15. Nurlibek Talasbaev-54), 13. Umid Matmusaev (19. Fexruz Salohiddinov-57), 27. Davron Mamatov.
Zaxira: 1. Dilmurod Mamayusupov, 8. Muhammadsulton Fozilov, 17. Amirxon Ibrohimov, 20. Asror Rahmonov.

"Farg'ona viloyati Hokim kubogi". "Qo'qon-1912" "Cementchi"ni yirik hisobda mag'lub etdi