O'yin haqida

- Qiyin o'yin o'tkazdik. Bugungi uchrashuv oson o'tmasligini bilardik va shundan kelib chiqqan holda tayyorgarlik ko'rdik. "FarDU" jamoasida tajribali murabbiylar va futbolchilar bor. Shunday bo'lsa ham bugungi o'yinni g'alaba bilan yakunlay oldik.

- O'yin davomida o'zgarishlarni kam amalga oshirdingiz. Bunga sabab nima?

- Asosiy tarkibda harakat qilayotgan futbolchilarning harakatlaridan ko'nglim to'ldi. Shu bois bugungi uchrashuvda zaxiraga ko'p murojaat qilmadik. Biroq, bugungi o'yinni zaxirada o'tkazgan futbolchilarimiz ham anchayin mahoratli. Bugungi g'alabaga asosiy tarkibmi, zaxirami, barcha futbolchilar birdek o'z hissalarini qo'shishdi.

- Jamoa o'tgan yildan ko'ra anchayin o'sdi. Superliga yo'llanmasi qo'lga kiritilsa, qatnashasizlarmi?

- Albatta qatnashamiz. Maqsadimiz Superliga yo'llanmasiga qaratilgan. Bilasizmi, 16-22 yoshli futbolchilar jamoaga katta energiya bera oladi. Biroq, hozir bizga 24-30 yoshli futbolchilar kabi tajriba va sovuqqonlik etishmayapti. Ko'rayapsiz, ko'p vaziyatlar yaratayapmiz, biroq foydalanishda qiynalayapmiz. Jamoamiz tarkibi yosh va biz o'yindan-o'yinga tajriba to'plab boramiz.

Farhod Nishonov: "Bizga vaziyatlarni yakunlashda tajriba va sovuqqonlik etishmayapti"