O'yin haqida

- "Aral" jamoasini g'alaba bilan tabriklayman. Bugun 15 daqiqa futbol o'ynadik. Shu vaqt ichida gol ham urdik. Keyin "Aral" jamoasini o'yiniga moslashib qoldik. Xatolar o'zimizdan bo'ldi, himoyada, darvoza chizig'ida. Ikkinchi golni qarang, mingta vaziyatdan bittasida gol bilan tugaydigan holat edi.

- "Olimpik Mobiuz” jamoasi tarkibida Nukusdan 3 nafar futbolchilar bor. Ular haqida fikringiz?

- Albatta iqtidorli futbolchilar. Biz ulardagi shijoatni ko'rib tarkibga jalb qilganmiz. Biroq, hozir ular o'sishda davom etishlari kerak. Bu yoshda o'tish davri bo'ladi. Futbolchi yoki eng yaxshilardan bo'ladi, yoki o'rtamiyonaga aylanib qoladi. Ularda hozir shunaqa davr. Ko'proq o'z ustilarida ishlashlari kerak.

- "Aral" jamoasi bilan o'tgan mavsumda ham to'qnash kelgansizlar. Bu yilgi jamoa bilan o'tgan mavsumdagisi o'rtasida qanday farq sezdingiz?

- Hech qanday farq ko'rmadim. Hozir Pro-ligada barcha jamoalar deyarli bir xil o'yin ko'rsatishayapti. "Aral"ning maydoni yangi deyishgandi, lekin sifati unchalik ham yaxshi emas ekan. Bunday maydonda faqat "Aral"ga moslashib o'ynash mumkin xolos. Sifatli futbol ko'rsatish imkonsiz.

Farhod Nishonov: "Bunday maydonda sifatli futbol ko'rsatish imkonsiz"