- Urugvayga qarshi ikkita uchrashuv haqida nimalar deya olasiz?

- Urugvayga qarshi ikkala o'yin ham menga yoqdi. Bu uchrashuvlarda total ustunlikka erishdik. Yuqori bosim evaziga raqib maydonida kuchli pressing qildik va ustunlikka ega bo'ldik. Ko'p vaziyatlar yaratyapmiz, ammo ulardan foydalanishda muammo kuzatilmoqda. Individual xatolar bor. Qolaversa tarkibda ko'p rotaciya qildik. Bir qator futbolchilarni bu yig'inga olib kelmadik. Masalan, Abdug'afur Haydarov, Amirbek Saidov va Asilbek Jumaev. Ularning o'rniga boshqalarni sinab ko'rdik. Barcha futbolchilarga o'yin amaliyotini berishga harakat qildik. Ularni shunchaki turist sifatida olib kelmadik.

- Safarda yana qandaydir muammolar bo'ldimi?

- Futbolchilarimga qoyil qolgan jihatlarim bor. Argentinadagi o'yinlardan keyin Urugvayga kemada etib bordik. Kechasi etib bordik va ertasiga ertalab maydonga tushdik. Yigitlarim yuqori tezlik namoyish etishdi. Birinchi uchrashuvdan keyin yana yo'lga chiqdik va Montevideo shahriga bordik. Yo'l charchog'i yigitlarimga tasir qilmaganidan xursandman.

- Hujumdagi muammolar ko'zga tashlanmoqda, bu hozir o'zbek futbolidagi katta muammo...

- Ha to'g'ri aytdingiz, hujumdagi muammolarimiz ko'rinmoqda. Bizga yana sof hujumchilar kerak. 2007-2008 yilda tug'ilgan futbolchilarni yig'inlarda sinab ko'rib kelajak uchun tayyorlamoqchimiz. Bundan tashqari yigitlar individual xatolarga yo'l qo'yishmoqda. Bu kamchiliklarni futbolchilar bilib turishibdi, buning ustida ishlyapmiz. Har bir futbolchining kuchli tomonini yanada shakllantirish lozim.

- Urugvay bilan birinchi o'yindagi hakamlarning harakatlari haqida eshitdim, bu haqda ular o'yindan keyin hech nima demadimi?

- Urugvay bilan o'yinda hakamlar "spektakl" qo'yib berishdi. Birinchi bahs chekkaroq shaharchada o'tkazildi va u erda yashaydigan muxlislarni xursand qilish uchun tashkil etilgan ekan. O'sha uchrashuvda biz yutishimiz shart edi. Raqibdan to'p olib qo'sak ham jarima zarbasi belgilanaverdi, uchrashuv oxirida hakam baribir penalti qo'ydi va bu bilan Urugvayga yordam berib yubordi. Ikkinchi o'yin Urugvay terma jamoasining bazasida bo'ldi. Bu erda murabbiylar shtabi, hakamlar qo'mitasi vakili kelib birinchi o'yindagi hakamlik uchun uzr ham so'radi. Urugvay futbol associaciyasi bizga munosib qarshilik qilganimiz uchun rahmat aytishdi. Argentina va Urugvayda o'zbek futboli haqida tushuncha deyarli yo'q ekan. Ammo bu uchrashuvlardan keyin O'zbekiston haqida biroz bo'lsa ham taassurot uyg'ondi. Bu odamni albatta xursand qiladi.

- Urugvayga qarshi ikkinchi o'yindagi mag'lubiyatni qanday izohlaysiz?

- Urugvay bilan ikkinchi bahsdagi mag'lubiyatimizning eng katta sababi yigitlarda "emociya" tugab qolgandi. O'yinlar orasida juda ham yaqin edi, hakamlarning harakatlari va boshqa jihatlar albatta tasir qildi.

- Lazizbek Mirzaev negadir o'yinlarda kam maydonga tushdi...

- Lazizbek Mirzaev Argentina bian birinchi o'yinning boshida jarohat oldi va uning sog'ligini o'ylab, tavakkal qilmay dam berdik.

- Keyingi rejalar haqida aytib bersangiz...

Katta ehtimol bilan noyabr oyidagi FIFA kunlarida Evropaning grand terma jamoasiga qarshi Toshkentda o'rtoqlik o'yini tashkil etib beriladi. Bu albatta bizga katta tajriba bo'ladi. Keyingi yig'inda yangi nomlarga ham etibor qaratamiz. Superligada yosh futbolchilar debyut qilishmoqda va ularni ham kuzatib boramiz.

- Terma jamoadagi ichki muhit qanday?

- Ochig'ini aytaman, terma jamoada ichki muhit juda ham zo'r. Murabbiy sifatida bazida futbolchilarga baqiraman, so'kishim ham mumkin. Lekin ular to'g'ri tushunishadi. O'yin paytida futbolchilar ham ehtirosda baqirishlari mumkin, birozdan keyin hammasi esdan chiqadi. Agar ularning kamchiliklarini hozir yuziga aytmasam, keyinchalik o'zlariga minus bo'ladi. Har bir murabbiy bunday tartibli jamoada ishlashni orzu qiladi.

Farhod Nishonov: "Noyabrda Evropaning grand jamoasiga qarshi Toshkentda o'ynashimiz mumkin"