Vakillarimiz guruh bosqichining ilk turida Suriyaga qarshi maydonga chiqadi. Muhim bellashuvlar oldidan O'zbekiston terma jamoasining sobiq futbolchilariga mikrafon tutmoqdamiz. Buni o'quvchilarimiz sezib ulgurishgan. Musobaqa starti oldidan taniqli sobiq hujumchi Farhod Tojievning fikrlari bilan qiziqdik.

"Hozirda terma jamoamiz ahil va yaxshi holatda, deb o'ylayman. Futbolda birdamlik ko'p narsani hal qilishi mumkin. Umuman olganda terma jamoamiz so'nggi bahslarda o'z o'yini bilan muxlislarni xursand qilmoqda. Meksika, Eron kabi kuchli raqiblar bilan o'ynay olyapmiz. Yoshlar ham o'zini ko'rsatyapti. O'ylashimcha, bu Osiyo Kubogida imkoniyatlarimiz har galgidan yaxshi.
Shomurodovning yo'qligi baribir tasiri bo'ladi. Lekin qolganlar o'rnini bilintirmaslikka intiladi. Igor Sergeev yaxshi formada. Undan ko'p narsa kutyapman. Bobir Abdixoliqov, Aziz Amonov ham raqobat qilishadi. Yuz foiz o'rnini yopa olmaydi-yu, lekin harakat qilishadi",- deydi Farhod Tojiev.

Malumot uchun, Farhod Tojiev O'zbekiston terma jamoasi libosida 17ta uchrashuvda maydonga tushgan va 5ta gol urgan.

Abdulaziz Iskandarov yozib oldi

Farhod Tojiev: "O'zbekiston bu Osiyo Kubogida har galgidan yaxshiroq imkoniyatga ega"