Мазкур учрашувдан сўнг терма жамоамизнинг тажрибали футболчиларидан бири Фарруҳ Сайфиев фикрлари билан ўртоқлашди.

"Ўйин яхши ўтди. Худога шукур ғалаба қозондик. Бу уч очконинг қадри ниҳоятда юқори эди. Ўмон билан Осиё кубогида ўйнаганмиз, яхши жамоа. Биз учун ҳар бир ўйин муҳим ҳисобланади. Шу орқали Осиё кубогига тайёргарлик кўрамиз",- дейди Фарруҳ Сайфиев.

- Ўмон терма жамоаси биринчи бўлимда Ўзбекистонга ўз ўйинини кўрсатишига йўл қўйиб берди, дея оламизми?

- Мураббийнинг кўрсатмаларини бажардик. Бу бизга қўл келди, деб ўйлайман.

- Навбатдаги ўйинлардаги рақибларимиз ҳақида фикрингиз қандай?

- Ким билан ўйнашимиздан қатъий назар ғалаба учун майдонга чиқамиз.

- Эроннинг асосий таркиб билан келганига муносабатингиз? Катта эҳтимол билан финалда форслар билан тўқнаш келишимиз мумкин...

- Бу албатта ижобий. Бундай жамоалар билан кўпроқ ўйнашимиз шарт, деб ўйлайман.

Абдулазиз Искандаров ёзиб олди

Фарруҳ Сайфиев: "Мураббийнинг кўрсатмаларини тўлиқ бажардик"