Shota Arveladze shogirdlarining g'alabasi bilan tugagan uchrashuvdan so'ng "sherlar"ning tajribali futbolchisi Farruh Sayfiev fikrlari bilan o'rtoqlashdi.

"Yaxshi o'ynadik va ko'p holatlarda ustunlik ham qildik. Avvalgi o'yindagi yirik hisobdagi g'alabani unutgan holda "Qizilqum" bilan o'yinga jiddiy tayyorgarlik ko'rganimiz samarasini berdi. Ular o'z maydonida to'p tepsada himoyaviy va qarshi hujumlarga tayanib harakat qilishini bilardik. Maydonda murabbiylarimizni ko'rsatmalarini to'g'ri bajarish hisobiga g'alaba qozondik deb o'ylayman. Raqibga keyingi o'yinlarda omad tilab qolaman. Safarda to'p tepishni o'ziga yarasha qiyinchiliklari bor. Muhimi o'zimiz uchun zarur bo'lgan ijobiy natijani qayd eta oldik. Muxlislarimizga ham qalban biz bilan birga bo'layotgani uchun rahmat aytib qolaman",- deydi Farruh Sayfiev

Farruh Sayfiev: "Qizilqum"ni himoyadan o'ynashini kutgandik"