Gollarga boy o'tgan o'yinda vakillarimiz raqiblarini 6:2 hisobida taslim qildi va musobaqaning final bosqichiga yo'llanmani qo'lga kiritdi. Uchrashuvdan so'ng terma jamoamiz ustozi Farruh Zokirov fikrlari bilan o'rtoqlashdi.

"O'yin final kabi o'tdi, chunki bizga g'alaba zarur edi. Qizlarimiz buni tushunib turgan holda o'yinga chiqishdi. Ko'rdingiz o'yin Shoyimovaning benefisiga aylanib ketdi. Ular g'alabani ko'proq istashdi. Filipinning mag'lubiyati bizni to'plar nisbatida katta farq bilan yutishimizga undadi. Buni uddalaganimizdan xursandmiz. Ikkinchi o'rin bilan Osiyo kubogiga yo'llanma oldik.

Turkmanistonda ham imkoniyat bor edi. Shu bois bor kuchlari bilan o'ynashlari aniq edi. Vaziyatlardan foydalana olmaslik futbolda ham bor. Buning ustida doimiy ishlash kerak. Avvalgi uchrashuvlarda mazkur omil pand bergandi. Turkmaniston bilan vaziyatlardan foydalandik.

Saralashdagi jamoalarimizni bilganimizda Avstraliya, Filippinni o'zimiz uchun asosiy raqib sifatida belgilab olgan edik. Ular bilan o'yinlar qiyin bo'ldi. Bazi bir qizlarimiz futboldan chiqib futzalga kirgani uchun tayyorgarlikka vaqtimiz biroz qisqa bo'ldi. Umumiy olib qaraganda Osiyo kubogigacha vaqt bor va yaxshi tayyorgarlik olib borishga harakat qilamiz",- deydi Farruh Zokirov.

Farruh Zokirov: "O'yin final kabi o'tdi va Shoyimovaning benefisiga aylandi"