Ушбу турда Қувасойнинг "Цементчи" жамоаси ўз уйида Термизнинг "Сурхон" клубини қабул қилди ва 2:0 ҳисобида ғалаба қозонди. Ушбу учрашувдан сўнг "Цементчи" жамоаси дарвозабони Фаррух Турдалиев ўз фикрларини билдирди.

"Олий лигага чиқиш вазифасини уддалаганимиздан хурсандмиз. Чунки иккинчи даврада бизни жамоага таклиф қилишганида кўплаб гап сўзларни эшитганмиз. Бундай натижага ўз меҳнатимиз билан эришдик ва буни исботлаб қўйдик. Олдимизга қўйил вазифани муддатидан олдин хал қилиб қўйдик. Шунинг учун ҳам хурсандман.

Бизни ишимиз мухлисларни хурсанд қилиш. Жамоадошларимиз ва раҳбариятимиз барчаси ахил ва иноқ. Бизнинг кучимиз ҳам мана шунда бўлди. Барчамиз бир ёқадан бош чиқариб ҳаракат қилдик. Олий лигада ниятларимиз улкан, шахсан ўзим жуда кўп нарса кутяпман", - дейди "Цементчи" посбони Фаррух Турдалиев

Хожиакбар Жабборов ёзиб олди

Фаррух Турдалиев: "Олий лигадан ниятларимиз улкан"