“Mening fikrimcha, ushbu mavsum natijalarini bekor qilish lozim. Bilaman, ko'plab “Liverpul” fanatlari bu gaplarimdan keyin “Manchester Yunayted”ni qo'llash maqsadida shu fikrlarni bildirdi” deb aytishi mumkin. Gap bunda emas, shunchaki bu mavsumni qanday tugashini taxmin qilolmayapman. Tavakkal qilish vaqti emas. Hammasi oddiy.

Barcha o'yinlar yopiq eshiklar ortida o'tgan taqdirda ham, maydonda futbolchilar harakat qilishadiku?! Ular inson emasmi? Koronavirus ularni o'z domiga tortishi mumkinku. Futbolchilari bu kasallikdan to'liq xalos bo'lmasliklari yoki biror bir boshqa futbolchiga virusni yuqtirishlari ham mumkinku. Shu sababli mavsumni davom ettirish to'g'ri qaror bo'lmaydi.

Qolaversa, stadionlarda arenada xizmat qiluvchi xavfsizlik xizmati xodimlari va boshqalar bo'lishadi. Hamma xavotir ostida bo'ladi. Bu mavsumdagi barcha ambiciyalarni unutish kerak. Gap hayot-mamot masalasi haqida, insonlar taqdiri haqida ketmoqda. Bunday holatda futbol ikkinchi “plan”da bo'ladi. Eshiting, biz barchamiz futbolni yaxshi ko'ramiz. Men futbolni sevaman. Ammo bu hayot yoki o'lim emas. Qachonki vaziyat shungacha etib boradigan bo'lsa, siz odamlar sog'lig'ini hammasidan ustun qo'yishingiz lozim.

Mavsumni yangidan boshlash kerak. Bu borada vaziyat ijobiy tomonga o'zgarishi bilan biz yangi mavsumni kelgan joyidan davom ettirsak bo'ladi. Ammo bu voqea yaqin orada ro'y berishiga men ishonmayapman.

Agar keyingi oydan hammasi o'z holiga qaytsa, mamlakat normal hayot tarziga o'tsa, mavsumni kelgan joyidan davom ettirish mumkin. Ammo bizga aytilayotgan gap so'zlarga qaraganda, bu holat bu yaqin vaqt ichida ruy bermasligi mumkin”, deya Ferdinand o'z fikrlarini Instagramdagi sahifasida bildirib o'tdi.

Ferdinand: “Bu mavsum natijalarini bekor qilish lozim”