"Olmaliq" - "Do'stlik-AIN" uchrashuvida 2:2 hisobi qayd etildi. O'yindan keyin "Do'stlik-AIN" vakili Feruz Faxriddinov o'z fikrlarini bildirdi.

"Har ikkala jamoa uchun ham juda qiyin o'yin bo'ldi. "Olmaliq" tajribali o'yinchilardan iborat kuchli jamoa, uchrashuvning oxirgi ikki daqiqasida aynan tajriba evaziga raqibimiz gol urdi va muvozanatni tikladi. Natija o'yinga mos bo'ldi. Maydonga g'alaba uchun tushgan edik, lekin durang ham bizni qoniqtiradi. Nasib qilsa, keyingi bellashuvlarda g'alabaga erishamiz.

Birinchi bo'limda to'p Sviridovning qo'liga tekkan vaziyatga to'xtaladigan bo'lsak, hakamlar penalti yo'q deb baholashdi. Bunaqangi "qaynoq" o'yin ketayotganda hakamlar ko'pincha 50ga 50 vaziyatlarda o'yinni davom ettirishni ko'rsatishadi. Shunga qaramay, amaldagi chempionga qarshi ko'rsatgan munosib o'yinlari uchun jamoadoshlarimga rahmat aytaman, - deydi Feruz Faxriddinov.

Feruz Faxriddinov: "Olmaliq" bilan durang adolatli bo'ldi"