- O'yin haqida

- Bugun ikki jamoa ham g'alaba qozonishni istayotgandi. "Lokomotiv" bugun ko'proq ishtiyoq bilan o'ynadi. Birinchi bo'limda yaxshi vaziyatlar yarata oldik, ammo ikkinchi taymda yomonroq o'ynadik. Ko'p xatolarga yo'l qo'ydik. Gol o'tkazib yuborganimizdan so'ng hujumga o'tishga majbur bo'ldik.

- Birinchi bo'limda jamoangiz yaxshi o'ynadi va gol urgan. Tanaffusdan keyin jamoangiz o'ziga o'xshamadi va juda yomon o'ynadi. Bunga sabab nima?

- "Bunyodkor" va "Dinamo"ga qarshi kechgan uchrashuvlarda ham xuddi shunday xatoga yo'l qo'ygan edik. Oddiy vaziyatlarda to'pni yuqotayapmiz. Xatolarga ko'paygani sababli hisobni ushlab qolishga harakat qila boshladik. Bu ruhiyatga bog'liq.

- Shohjahon Sultonmurodov holati haqida malumot bera olasizmi? U bir nechta uchrashuvdan buyon maydonda ko'rinmayapti va bugungi uchrashuvda qaydnomada emas edi.

- U asosiy tarkibda o'ynay oladigan sport formasida emas.

- Nimeli so'ngi uchrashuvlarda maydonga tusha boshladi. U jarohatidan forig' bo'ldimi? Bugun maydonda Egor Krimecni ko'rdik. Krimec ham jarohatdan tuzaldimi?

- Silvanusni sekin astalik bilan tarkibga qo'shib bormoqdamiz. Uni tezroq o'tgan mavsumdagi sport formasiga qaytarishga intilmoqdamiz. Krimec ham safga qaytdi. "Dinamo" qarshi kechgan bahsdayoq Egorni maydonga tushirmoqchi edik, ammo ulgurmadik. Egor tajribali himoyachi va bizga ko'p yordam berishiga ishonaman.

- "Surxon" jamoasi bugungi uchrashuvda bir ochko ishladimi yoki ikki ochko yo'qotdimi?

- Birinchi bo'limda g'alaba qozonayotgan edik. Tanaffusdan so'ng o'yinimiz yomonlashdi. Natija adolatli bo'ldi. Biz ikkinchi taymda 30 daqiqa juda yomon o'ynadik. O'zimiz aybdormiz.

Fevzi Davletov: "Ikkinchi taymning dastlabki 30 daqiqasini juda yomon o'tkazdik. Natija esa adolatli bo'ldi"