Assalomu alaykum, yaxshi o'yin ko'rsatdik deb o'ylayman. Bugungi o'yinda bitta gol uchrashuv taqdirini hal qilardi. Uchrashuvda bir nechta vaziyatlarga ega bo'ldik, bugungi o'yinda biz g'alabaga yaqinroq edik. Bahsning dastlabki daqiqalarida ancha sust harakat qildik. Raqibda 2 ta 100 foizlik vaziyat bo'ldi. Keyin barchasi joyiga tusha boshladi, o'yinni nazorat qila boshladik. Yigitlar berilgan ko'rsatmalarni bajarishdi. "Navbahor"ga qarshi mehmonda bunday og'ir stadionda durang o'ynash yomon natija emas deb o'ylayman. Bugungi uchrashuvga tashrif buyurgan muxlislarga rahmat aytaman. Har ikki jamoa uchun yaxshi uchrashuv bo'ldi.

Humoyun Sherbo'taev jarohat olib, maydoni tark etdi. Uning holati haqida malumot bera olasizmi?

- Hozirda uning jarohati haqida nimadir deya olmayman. Uzoq yo'l va maydon sababli unda kichik jarohat bo'ldi. Umid qilamanki, uning jarohati jiddiy emas. Barchasi tekshiruvdan so'ng aniq bo'ladi.

Bugungi uchrashuvda Rustam Turdimurodov gol urmagan bo'lsada, to'psiz ancha yaxshi harakat qildi. Bugungi uchrashuvda unga qanotlardan etarlicha yordam bo'lmagandek. Bu haqda nima deya olasiz?

- U terma jamoadan qaytdi. Rustam bugun yaxshi harakat qildi. Bir nechta vaziyatlar unga to'g'ri uzatmalar berilmadi. Biroq raqib himoyasi ham juda yaxshi himoyalanganini takidlash lozim. Umuman olganda, bugun hujumda yaxshi harakat qildik. Unda vaziyat bo'ldi va u o'sha vaziyatdan foydalanishi lozim edi. Menimcha u gollarini terma jamoada urib keldi. Hech bo'lmasa, bugungi uchrashuvga bittasini olib qo'yish kerak edi.

Ikkinchi davrada "Surxon" deyarli legioner futbolchilardan voz kechdi. Bu jamoada moliyaviy muammo borligi uchunmi yoki mahalliy futbolchilardan ustun tomoni yo'qligi sabablimi?

- Jamoaning rivojlanish stategiyasi biroz o'zgardi. Buni jamoa rahbariyati bizga malum qilishdi. Shu sababli legionerlardan voz kechildi. Asosiy etibor mahalliy futbolchilarga qaratilish kerak.

Agar legioner mahalliy futbolchidan ustun bo'lsa, olish kerakmi?

- Agar ular haqiqatdan kuchli bo'lsa, olish kerak. Bizdagi muammolli chiziqlarga mahalliy futbolchilardan kuchli futbolchi bo'lsa, olish kerak deb o'ylayman. Biroq hozirda biz o'zimizni yigitlarga ishonmoqdamiz. Bu yog'ini mavsumdagi o'yinlar ko'rsatadi.

Fevzi Davletov: "Navbahor" bilan o'yinda biz g'alabaga yaqinroq edik"