Манбага кўра, ташкилот Жанубий Америка футбол конфедерациясининг (КОНМEБОЛ) жаҳон чемпионатини рекорд сонгача кенгайтириш таклифини қўллаб-қувватламоқда. Қайд этилишича, бу ҳолда турнир ҳар бирида тўртта жамоадан иборат 16 та гуруҳда ўтказилади. Энг яхши икки ўринни эгаллаган жамоа плей-офф босқичига йўл олади.

Ўйинлар Испания, Португалия, Марокаш, Аргентина, Парагвай ва Уругвайда ўтказилиши айтилмоқда. Жаҳон чемпионатининг учта гуруҳи тўлиқ Жанубий Америка давлатларида, қолган ўйинлар эса Европа ва Африкада бўлиб ўтади.

Аввалроқ ФИФА иштирокчилар майдонини 32 тадан 48 тагача кенгайтирган эди. 2026 йилги жаҳон чемпионати тарихда 48 та миллий терма жамоа иштирокидаги биринчи мусобақа бўлади.

ФИФА 2030 йилги жаҳон чемпионатини 64 та жамоа билан ўтказишдан манфаатдор - манба