Eldor Shomurodov o'tgan hafta yakunlariga ko'ra, FIFA kunlarida o'zini ko'rsatgani bois “hafta ramziy jamoasi”dan o'rin oldi. Agar yanglishmayotgan bo'lsam, TOTW (Team of the Week)da qayd etilgan ilk o'zbekistonlik bo'ldi.
Xo'sh, nega kartochkasi yuqorisiga “yulduzcha” qo'yilgandi? Gap shundaki, EA Sports kompaniyasi o'zini ko'rsatgan umumiy skilli (ko'rsatkichi) kamroq futbolchidan birini tanlab oladi va uning reytingini malum darajada ko'taradi. Shu orqali futbolchi maxsus yulduzchaga ega bo'ladi. Demak, “Roma” forvardining o'yindagi rasmiy skilli 75 ball edi va bu ko'rsatkich 84 ga etkazildi. Eldorda hozirda ikkita kartochka bor - "standart oltin" va "TOTW oltin".
"YouTube" platformasida bir qator strimerlar 27 yoshli hujumchini o'z jamoasiga olib, video joylashga ham ulgurdi.
FIFA 23'dagi o'zbekistonlik futbolchilardan yana biri “Al Nassr” vingeri Jaloliddin Masharipov hisoblanadi. Uning ko'rsatkichi 72 ballga baholangan.
FIFA 22 rasmiy versiyasidan esa Shomurodov (71 ball), Masharipov (73) bilan birga Odil Ahmedov ("Canchjou Mayti Layons", 73), Rustam Ashurmatov ("Kanvon", 66), Dostonbek Tursunov ("Pusan Ay Park", 64) hamda Jamshid Iskanderov ("Seongnam", 62) joy olgandi. Ahmedov faoliyatini yakunlagan bo'lsa, Ashurmatov, Tursunov hamda Iskanderov O'zbekistonga qaytgan.
Izohlar