FIFA rasmiy sayti O'zbekiston terma jamoasining ushbu o'yinlari haqida qisqacha to'xtaldi.

"A" guruhi etakchisi O'zbekiston uyida yaqin taqibchisi Eron bilan o'ynaydi va ketma-ket uchinchi g'alaba o'zbek jamoasining etakchiligini mustahkamlashga yordam beradi. Ruhiyat tomondan ustunlik Karlush Keyrush shogirdlarida, chunki ular o'zaro so'nggi 6 bahsda 4 ta g'alabaga erishishgan va bir marotaba durang o'ynashgan. Jahon chempionati saralash uchrashuvlaridagi o'zaro bahslarda tenglik: Jamoalar o'z hisobiga JCH-2014 doirasida bittadan mehmondagi g'alaba yozib qo'yishgan. Ikkala jamoa ham yosh iqtidorlar va tajribali futbolchilarga ishonch bildiradi. O'yindagi intirigani jokerlar keltirib chiqaradi: Aleksandr Geynrix va Rizo Guchannajod har qanday paytda zaxirada o'yinga qo'shilishga tayyor turadi.

"Bizning jamoa hech qachon ketma-ket ikki marotaba jahon chempionatiga chiqmagan. Maqsadim, vazifam va orzuim - bu ananaga barham berish. Agar ilojsiz narsani amalga oshirmoqchi bo'lsak, tarixdagi darslardan to'g'ri xulosa chiqarib, avvalgi xatolarni takrorlamasligimiz lozim" - deydi Karlush Keyrush.

Eslatib o'tamiz, O'zbekiston hamda Eron terma jamoalari o'rtasidagi bahs 6 oktyabr kuni "Bunyodkor" stadionida bo'lib o'tadi.

FIFA: "Ketma-ket uchinchi g'alaba o'zbek jamoasining etakchiligini mustahkamlashga yordam beradi"