"Xitoyda bo'lib o'tgan U-23 Osiyo chempionatida O'zbekiston yoshlar terma jamoasining g'olib chiqishi katta voqelik bo'ldi. Buni ko'pchilik kutmagandi va yakunda barcha o'zbekistonliklarning ishtirokidan hayron qoldi. Musobaqa davomida Ravshan Haydarov jamoasi juda yaxshi o'yin namoyish etib, haqli ravishda chempionlikni qo'lga kiritdi".

"O'zbekiston U-23 terma jamoasining ayniqsa chorak finalda Yaponiyani 4:0, yarim finalda esa Janubiy Koreyani 4:1 hisobida mag'lub etishi ko'plab shov-shuvlarga sabab bo'ldi. Bu o'z navbatida jamoaning yuqori saviyasidan darak beradi. Albatta, qo'lga kiritilgan yutuq O'zbekiston terma jamoasining FIFA reytingidagi o'rniga tasir qilmaydi, shunga qaramay kelajakda bu jamoa iqtidorlarga boy deya olamiz. O'zbekiston yaqin o'n yillikni istedodli futbolchilar bilan taminlab qo'ydi".

Terma jamoaga oid bazi malumotlar:
Birinchi rasmiy o'yini: O'zbekiston - Tojikiston 2:2 (1992 yil)
Eng yirik g'alabasi: O'zbekiston - Mo'g'uliston 15:0 (1998)
Eng ko'p o'yin o'tkazgan futbolchi: Server Jeparov (126)
Eng yaxshi to'purar: Maksim Shackix (34)

"O'zbekiston terma jamoasiining Osiyo futbolida tutgan o'rni katta. Bu jamoa har doim jahon chempionatiga chiqishga yaqin kelgan , biroq so'nggi pallada omad tufayli imkoniyatni boy bergan. Ammo Osiyoda hamma O'zbekistonga jiddiy raqib sifatida qaraydi. Masalan, oxirgi saralashda ham O'zbekistonning mundialga borishiga bir bahya qolgandi. Agar jamoa o'z maydonida Janubiy Koreyani mag'lub etganida edi, biz JCH ishtirokchilari orasida O'zbekistonni ham ko'rgan bo'lardik. JCH-2014 saralash o'yinlarida O'zbekiston 14 ochko to'plab ham jahon chempionatiga bora olmagandi".

"Mana shu natijalar ham O'zbekiston terma jamoasining kuchidan darak beradi. O'zbekiston martda Senegal va Marokash, may oyida esa Eron bilan o'rtoqlik uchrashuvlarini o'tkazadi. Har uchala raqib jahon chempionatiga chiqqanini hisobga olsak, bu o'yinlar O'zbekiston uchun katta foyda beradi".

"O'zbekistonda ayniqsa bolalar futboliga etibor yuqori. Masalan, yoshlar o'rtasidagi Osiyo chempionlari Dostonbek Hamdamov bilan Akromjon Komilov 2012 yil o'tkazilgan U-16 Osiyo chempionatidayoq muxlislarga tanilgandi. Qolaversa, bu yurtning yoshlar va o'smirlar jamoalari 2011 yil Meksikada o'tkazilgan, shuningdek turli yillarda Misr, Turkiya va Yangi Zelandiyada bo'lib o'tgan kichik mundiallarda ishtirok etgan. Endilikda muxlislar faqat bir narsani kutmoqda deyish mumkin, u ham bo'lsa bosh jamoani jahon chempionatida ko'rish".

FIFA sayti: O'zbekiston - Osiyoning uxlab yotgan gigant jamoasi