FIFA ovoz berish jarayoni boshlanishiga kam vaqt qolayotgan bir paytda hamma etibor berishi kerak bo'lgan beshta narsani eslatib o'tdi.

Birinchi bilishimiz kerak bo'lgan narsa - Nominaciyalar

Albatta, hozirdanoq sovrinlarni kim yutishi malum emas, ammo har bir yo'nalish bo'yicha davogarlar etarlicha. Dastlab qaysi yo'nalishlar bo'yicha eng yaxshilar aniqlanishini keltirib o'tsak. (Bularning hammasi FIFA tasnifiga ko'ra amalga oshiriladi).

1. 2017 yilning "Eng yaxshi erkak futbolchisi"

2. 2017 yilning "Eng yaxshi ayol futbolchisi"

3. 2017 yilning "Eng yaxshi erkaklar murabbiyi"

4. 2017 yilning "Eng yaxshi ayollar murabbiyi"

5. 2017 yilning "Eng yaxshi darvozaboni" (bu sovrin yangi qo'shildi)

6. 2017 yil Pushkash sovrini sohibi (Eng chiroyli gol egasiga beriladi)

7. 2017 yil "Feyr pley" sohibi

8. 2017 yil "Muxlis" sovrini

9. 2017 yilning ramziy terma jamoasi

Ikkinchi bilishimiz kerak bo'lgan narsa - Amaldagi g'oliblar

Yakuniga etgan 2016 yilgi futbol mavsumi uchun taqdirlash marosimi 9 yanvar kuni Cyurixda bo'lib o'tgandi. Navbatdagisi Londonda tashkil etiladi va shu paytgacha bo'lib kelgan 8ta yo'nalish o'rniga to'qqizinchisi ham qo'shilgan. Yani, bu yil "Eng yaxshi darvozabon" nomi ham elon qilinadi.

Shu o'rinda 2016 yilning eng yaxshilarni yodga olib o'tamiz.

Krishtianu Ronaldu - Eng yaxshi futbolchi

Karli Lloyd - Eng yaxshi ayol futbolchi

Klaudio Raneri - Eng yaxshi murabbiy

Silvia Neyd - Eng yaxshi ayol murabbiy

Mohd Faiz Subri - Pushkash sovrini sohibi

"Atletiko Nasonal" - "Feyr pley" sohibi

"Borussiya Dortmund va "Liverpul" muxlislari - Eng yaxshi muxlislar

Ramziy terma jamoa: Manuel Noyer, Dani Alvesh, Xerard Pike, Serxio Ramos, Marselo, Luka Modrich, Toni Kroos, Andres Inesta, Lionel Messi, Luis Suares, Krishtianu Ronaldu.

Uchinchi bilishimiz kerak bo'lgan narsa - Sovrin

Eng yaxshi murabbiy va futbolchiga topshiriladigan sovrin platinadan yasalgan bo'lib, og'irligi 6,4 kg. ni tashkil etadi. Uni xorvatiyalik sanatchi Ana Birbich yasagan. Sovrinning uzunligi 31 sm.

To'rtinchi bilishimiz kerak bo'lgan narsa - Shahar

O'tgan mavsumda eng yaxshilar Cyurixda aniqlangandi, bu gal taqdirlash marosimi Londonda bo'lib o'tadi. Malumki, Angliya futbol vatani hisoblanadi, shu bois FIFA rahbarlari Londonni maqul ko'rishdi.

Beshinchi bilishimiz kerak bo'lgan narsa - Ovoz berish jarayoni

Albatta, ovoz berish jarayoni qay tartibda bo'lib o'tishi ko'pchilikka qiziq. Yangilik sifatida shuni aytish mumkin, bu yildan muxlislar ham ovoz bera olishadi. Muxlislar uchun ovoz berish jarayoni FIFA.com saytida amalga oshiriladi. Ovoz berishga nomzodlar ro'yxati 17 avgust kuni elon qilinadi. Ovoz berish jarayoni 21 avgustdan 7 sentyabrga qadar davom etadi.

Agar ovoz berishni 100 foiz deb oladigan bo'lsak, ovoz berish to'rt soha vakillari o'rtasida 25 foizdan teng taqsimlanadi.

Milliy terma jamoalar sardorlari - 25 foiz

Milliy terma jamoalar bosh murabbiylari - 25 foiz

OAV xodimlari - 25 foiz

Muxlislar - 25 foiz

Shuningdek, muxlislar sayt orqali Pushkash nomidagi eng chiroyli golga va eng yaxshi muxlislarga ham ovoz berishlari mumkin. "Feyr pley" bilan "Eng yaxshi darvozabon"ni, shuningdek yilning ramziy terma jamoasini aniqlash esa to'liq FIFA ekspertlari zimmasidagi ish hisoblanadi.

Quyida 2016 yilning Eng yaxshilarini taqdirlash marosimidan fotosuratlarni etiboringizga havola etamiz.

FIFA sovrini. Eng yaxshilar haqida bilishimiz kerak bo'lgan beshta narsa