U jazolash tizimini o'zgartirish haqida tushuntirish berdi: "Vaqtinchalik jazo - biroz qo'rqinchliroq. O'n kishi bo'lib 11 futbolchiga qarshi o'ynash qiyin. Menda anchadan beri basketboldagi kabi qoidani joriy qilish g'oyasi bor - beshta qoidabuzarlik va sen maydonni tark etasan.

Ofsayd borasida to'xtaladigan bo'lsak, uni bekor qilishga ko'pchilik qarshi bo'lishi mumkin. Men esa aksi, chunki so'nggi vaqtda futbol ko'proq gandbolga o'xshab qolgan. To'qqiz futbolchi va darvozabon xuddi devordek jarima maydonchasini yopib olishadi" - deydi van Basten.

Gollandiyalik penaltilar seriyasi o'rniga bullitlar seriyasini qo'llash va xatto bu tizim guruh bosqich o'yilarida ham bo'lishini taklif qildi.

"Bullitlar seriyasi? Har bir jamoada beshta imkoniyat bo'ladi. Hakam xushtak chaladi va futbolchi 25 metrdan darvozaga yaqinlashib kela boshlaydi. U sakkiz soniya ichida zarba berishi kerak. Posbon o'z jarima maydonchasida bo'ladi va uni tark eta olmaydi. Agar birinchi urinishda to'p qaytarilsa yoki gol bo'lsa bullit yakunlanadi" - qo'shimcha qiladi van Basten.

FIFAdagilar zerikib qolishdimi? Ular sariq kartochka va ofsaydlarni bekor qilishmoqchi