Shundan so'ng futbolchi bilan bog'lanib, fikrlariga quloq tutdik.

- "Xabaringiz bor, o'tgan yilning ikkinchi davrasida “Xo'jand” klubiga kelib qo'shilgandim. Bu jamoada salkam 5 oy davomida to'p tepdim. Aytish kerakki, ortda qolgan vaqt davomida bir oiladek bo'lib ketdik, chunki bu erda ahil jamoa bor. Qolaversa, jamoa bilan chempionatda 2-o'rinni egalladik va OFK kubogidagi ishtirokimizni taminladik. Bundan tashqari, mamlakat kubogini ham qo'lga kiridik. Mavsum yakuniga etganidan so'ng "Xo'jand" menga yangi shartnoma taklif qildi. Buni o'ylab o'tirmasdan qabul qildim, chunki OFK kubogidek musobaqada to'p tepish istagi yuqori edi. Shu tomonlarini hisobga olib, jamoa bilan yangi shartnoma tuzdim".

- Jamoa o'z oldiga qanday maqsadlarni qo'ygan?

- Yangi mavsumda jamoa o'z oldiga yuqori maqsadlarni qo'ymoqda. Ichki chempionatda g'olib bo'lishni, kubokni yana o'zimizda saqlab qolishni rejalashtirgan. "Xo'jand"ning muvaffaqiyatlariga hissamni qo'shmoqchiman.

- "Dinamo"dan taklif bo'ldimi?

- Bilasizmi, 2019 yilda "Dinamo"dan ketgan bo'lsam, shu paytgacha doim Samarqandga qaytib, o'sha jamoada o'ynagim keladi, chunki tug'ilib o'sgan joyim. "Dinamo" uchun jonimni berib o'ynagim keladi. Doimo bunday chaqiruvga tayyor bo'lib kelganman. Afsuski, ayrim kishilar tufayli "Dinamo"ga qayta olmayapman. "Dinamo"da ko'proq samarqandlik yigitlar to'p tepishini istagan bo'lardim. Negaki, iqtidorli futbolchilar ko'p, biroq ularga imkoniyat berishni istashmaydi.

- Superligada o'ynab keta olishingizga ishonasizmi?

- Avvalo, hammasi Allohdan. Katta gapirish yoki o'zimni boshqalardan ustun qo'yish emas, biroq menga ham imkoniyat berilsa, albatta, Superligada to'p tepa olaman. Menga ishonch bildirgan murabbiyni uyaltirib qo'ymayman. Afsuski, imkoniyat taqdim qiladigan murabbiyni topolmayapman (kuladi).

Firdavs Abdusalimov: "Dinamo"dagi ayrim kishilar tufayli qadrdon jamoamga qayta olmayapman”