Kecha, 22 mart kuni germaniyalik yarim himoyachi professional futboldagi faoliyatini tugatganini elon qildi.

"Mesut O'zil terma jamoadagi ajoyib o'yinchilardan biri bo'lgan. O'zining eng muvaffaqiyatli davrida u dunyodagi eng yaxshi futbolchilardan biri edi. U o'n yil davomida milliy terma jamoaning ajralmas qismi bo'ldi, 2014 yilda jahon chempioni bo'ldi va bunda u katta hissa qo'shdi. U bilan ishlash menga juda yoqardi, unda o'ziga xos mahorat mavjud edi, texnikasi va o'yinni o'qiy olish qobiliyati qoyil qoldirardi. Terma jamoadagi barchamiz unga va uning oilasiga faoliyatidan keyingi davrda eng yaxshi tilaklarimizni tilaymiz", – dedi Flik.

34 yoshli O'zil Germaniya terma jamoasi safida jahon chempioni hisoblanadi. Bundan tashqari, "Verder" bilan Germaniya Kubogi sohibiga aylangan. Ispaniya chempionati, Kubogi va Superkubogida g'olib chiqqan. "Arsenal" tarkibida esa uch marta Angliya Kubogi va bir bor Angliya Superkubogini qo'lga kiritgan.

Flik: "O'zil dunyoning eng yaxshi o'yinchilaridan biri edi"