Мазкур учрашувдан аввал "Пахтакор"га осон бўлмаслиги аниқ эди. Гесснинг ҳар бир жамоаси етакчиларга қарши қандай ўйнаш кераклигини яхши билади. Ёдингизда бўлса икки тур аввал Бухорода "Бунёдкор" ҳам очко йўқотган эди.

Эски танишлар. Бахриддин Вохобовни жуда хуш чақчақ инсон деб биламан. Андрей Акопянц эса ўзбек футболининг тирик афсоналаридан бири. "Пахтакор"даги ўйинларини эслайсизми? Оооо, қандай кириб борар эди қанотдан. Уни ортида Николай Ширшов. Ҳозирги "Пахтакор"га шундай ўйинчи йўқ.

Эдгар Гесс ҳурматга лойиқ мутахассис. Мағлубиятни ҳакамларга тўнкамайдиган камдан кам мураббийларимиздан бири. Аммо жуда ҳам қаттиққўл. Ундакаси Ўзбекистонда йўқ. "Пахтакор" билан бўлиб ўтган ўйин куни ҳам эрта тонгда жамоа машғулот ўтказган. Аммо бу машғулотлар ўйинчиларга "нагрузка" бериши мумкин. Боиси, бизнинг жамоаларимизнинг витаминлари талабга жавоб бермайди. Яъни шакар чойдан ташқари бошқа маҳсулот истеъмол қилинмайди. Ўйиндан кейин кўплаб футболчилар машғулотлар оғир кечаётганлиги, иккинчи машғулотга тетик ҳолатда келишмаётганлигини айтишди. Бу мураббийнинг эмас, клубнинг муаммоси. Мураббийдан натижани талаб қиладиган жамоа, мураббий истаган дори дармонларни етказиб бериши керак.

Ўйинда ҳакамга икки томондан ҳам эътироз бўлди. 82-дақиқада жарима майдончаси ичида Кримецга нисбатан ишлатилган қўполлик беэътибр қолдирилди. Аслида бу ерда 100% пенальти бор эди. 90+3 - дақиқада эса "Бухоро"нинг икки нафар футболчиси қарши ҳужумга ўтган эди. Қанот ҳаками эса ўйиндан ташқари ҳолатни кўрсатди. Аслида ҳужумчилардан бири ўйиндан ташқари ҳолатда эмас эди.

Фото: Нодирхўжа Юлдашев

Фотомақола: "Бухоро" - "Пахтакор" 0:0