Tadbir ikki qismdan iborat bo'ldi. Dastlab "Buxoro sport majmuasi"ning anjumanlar zalida yangi futbolchilarni klub rahbariyati va bosh murabbiy ommaviy axborot vositalariga tanishtirib, ular haqida ayrim malumotlarni berib o'tdi. So'ngra ikkinchi qism stadionda tashkil etildi. Unda jamoaning ashaddiy ishqibozlari o'zlarini qiziqtirgan savollar bilan bosh murabbiy Ulug'bek Baqoevga va shuningdek tarkibdagi futbolchilarga murojaat qilishdi. Quyida ana shu tanishtiruv marosimidan olingan suratlar bilan tanishing.

Tanishtiruv marosimining dastlabki qismida "Buxoro" klubi mutasaddilarining barchasi ishtirok etib, jurnalistlar savollariga javob berib o'tishdi.

Jamoa natijalariga masul shaxs bo'lgan Ulug'bek Baqoevni olqishlashmoqda...

"Buxoro"ning yangi xaridlari oldi qatorni to'ldirib o'tirdi. Foydali transferlar deya umid qilamiz.

Klubimiz rahbariyati jamoani har tomonlama qo'llab-quvvatlamoqda. Ijobiy natijalar qayd etilishida ularning ham hissasi beqiyos.

Odatga ko'ra anjumanning birinchi qismida yangi futbolchilarga raqamlar topshirish marosimi ham bo'lib o'tdi. Etiborlisi Sanoev o'tkan yilgi kabi bu yil ham "Buxoro"da 87-raqamli libosda xarakat qiladigan bo'ldi.

Rahbariyat bosh murabbiy Ulug'bek Baqoev va umuman murabbiylar shtabiga bo'lgan ishonchi yuqori ekanligini bildirmoqda.

Bosh murabbiy davralar oralig'ida jamoa safiga yangi kelib qo'shilgan futbolchilar to'g'risida ayrim malumotlarni o'qib eshittirmoqda.

"Buxoro" yozgi transfer oynasida o'z safiga olti nafar yangi futbolchini qo'shib oldi.

Tadbirning ikkinchi qismi stadionda o'tkazildi. Unda tribuna ashaddiy ishqibozlar bilan gavjum bo'ldi.

Muxlislar bilan ochiq muloqot o'tkazildi.

Salamat Qutiboev yana "Buxoro"ga qaytib kelganidan xursand ekanligini yashirmadi va muxlislar tomonidan bo'layotgan ishonch unga qo'shimcha kuch bag'ishlayotganini hamda bildirilgan ishonchni oqlash uchun astoydil mexnat qilishini takidladi.

Buxorolik muxlislar ham o'z navbatida jamoa ishtirokidan mamnun ekanliklarini va kelgusida ham ajoyib tarzda qo'llab-quvvatlab turishlarini bildirdi.

Qisqa fursat ichida mahalliy ishqibozlarning yoqimtoyiga aylanib qolgan legioner himoyachi, sardorimiz Vladimir Baenko ham tadbirda so'z olib, "Buxoro"ni kelgusida yanada yuqori o'rinlarda bo'lishi uchun bor mahoratini ishga solishini aytib o'tdi.

Muxlislar "Buxoro"ni yanada yuqori o'rinlarda bo'lishini istamoqda.

Ulug'bek Baqoev: O'zim ham jamoamni chempion qilishni istayman!

Artyom Filiposyan: "Buxoro"ni ham sovrindorlar qatoriga kirishiga oz qoldi...

Azamat Allaniyozov "Buxoro"ga o'tkanidan xursand. Mahoratli hujumchi sermahsullik ko'rsatib, jamoa g'alabalariga o'z hissasini qo'shishga xarakat qilishini aytib o'tdi. Umid qilamizki, Allaniyozov sobiq jamoasi bo'lmish "Nasaf"ga qarshi kechadigan bahsda o'z gollari bilan "Buxoro"ga g'alaba keltiradi.

"Buxoro" matbuot xizmati.

FOTOMAQOLA. "Buxoro" yangi futbolchilarini muxlislarga tanishtirdi