Бугунги учрашувдаги дуранг "Юнайтед"га кучли тўртликда қолишига замин яратади. Шу орқали жамоа келаси мавсумда ЕЧЛ йўлланмасига эга чиқади.

"Тулкилар" ҳужумчиси Жейми Варди эса АПЛнинг ушбу мавсумдаги "Олтин бутса"си учун курашмоқда. Футболчи Фред айнан ундан эхтиёт бўлиш кераклигини айтди.

"У тасодифан тўпурар бўлиб олмади. Шунинг учун ҳам уни дарвозамиз олдида "қуролсизлантиришимиз" керак. Варди топ-футболчи ва ажойиб мавсумни ўтказмоқда.
Диққат билан ўйнашимиз керак, Варди каби футболчилардан кўзни узмаслик керак. Шунингдек, таркибимизда яхши ҳимоячилар етарлича. Улар Вардини ёпа олиши мумкин.
"Лестер" - яхши жамоа ва чиройли ўйин кўрсатади. Улар ушбу мавсумда ҳатто биринчи ўрин учун ҳам курашишди, бироқ кейинчалик таслим бўлишди. Лекин бу уларга бўлган ҳурматни йўқотмайди.
МЮ эса йирик клуб ва ҳар мавсумда ЕЧЛда иштирок этиши керак. Шу сабабли ЕЧЛга қайтиш клуб учун ҳам жамоа учун ҳам катта нарсаларни англатади.
Футболчилар ва клуб айни дамда тўғри йўлдан кетмоқда, шу сабабли келаси мавсумда ЕЧЛда иштирок этишга лойиқмиз деб ҳисоблайман", - деди Фред.

Фред - "Лестер", жамоанинг кучли ва кучсиз томонлари ҳақида