Стэйвли бошқараётган PCP Capital Partners инвестицион компанияси премьер-лига клубини сотиб олишга яқин турибди. Яқин орада расмий таклиф юборилади. 44 ёшли Стэйвли клуб вакиллари билан АПЛ 7-турида “Ливерпуль” билан ўйин (1:1) вақтида кўришганди. У рождество байрамига қадар клубни сотиб олиб январь ойида трансферлар учун пул ажратишга тайёр. Стэйвли 22 ёшида ҳеч қандай маълумотсиз ресторан бизнесини бошлаганди. Айни пайтда эса араб миллиардерлари билан яқин ҳамкорлик қилувчи компанияни бошқармоқда.

Бугунги мавзумиз орқали футбол клубларига раҳбарлик қилаётган, шунингдек эркаклар футболида ўчмас из қолдирган аёллар ҳақида маълумот берамиз.

Маргарита Луи-Дрейфус (“Марсель”)
Санкт-Петербургда таваллуд топган Маргарита Богдановани дунёдаги энг бой рус аёли деб аташади. У 1989 йил француз миллиардери Роберт Луи-Дрейфус билан танишган. 2009 йил эрининг вафотидан кейин, барча бойликларни мерос қилиб олди ва 90-йиллар охирида Роберт сотиб олган “Марсель Олимпик” назоратини ўз қўлига олди. Луи-Дрейфуснинг ўлимидан бир йил ўтгач, 17-йиллик совринларсиз ўтган муддатдан сўнг, ҳам Кубокни, ҳам Франция чемпионлигини нишонлади. Маргарита 7 йил эри Луи-Дрейфус билан “Марсел”га биргаликда раҳбарлик қилди. Клубни сотиш таклифини рад этди, лекин бир йил аввал шундай қарорга келди: “миллий жамоа” америкалик Френк Маккортга 45 миллон евро эвазига сотиб юборилди. Аммо Маргарита акциянинг 5%ини ўзида қолдирди ва ҳанузгача унга эгалик қилиб келмоқда.

Розелла Сенси (“Рома”)
2008 йилда “Рома” клубини бошқарган Франко Сенси вафот этганидан сўнг, унинг бор мол-мулки қизи Розеллага мерос бўлиб қолди. Лучано Спаллетти “Рома”га келгандан кейин, “бўрилар” Чемпионлар Лигаси плей-оффда иштирок этди ва А Серияда 2-ўринни эгаллади. Розелла Сенси профессионаллар ишига “бурнини суқмади” ва бу билан улар орасида ҳурматга сазовор бўлди. 2011 йил клубга америкалик акциядорлар келганидан сўнг, президентлик лавозимидан истеъфога чиқди.

Флора Виола (“Рома”)
Розелла Сенси “Рома”нинг ягона меросхўри эмас. Донна Виола 12 йил давомида “Рома”га раҳбарлик қилган эрининг вафотидан кейин, қизи билан биргаликда клуб назоратини ўз қўлига олди. Флора оз вақт президент бўлишига қарамай, бу фурсат ичида клуб Италия Кубогида зафар қучди ва УЕФА финал Кубогига йўлланмани қўлга киритишга муваффақ бўлди. 2008 йил Донна Виола мотам маросимига Римнинг деярли ярми ташриф буюрди.

Тереза Риверо (“Райо Вальекано”)
Бу ажойиб ҳикоя. Тереза Риверо зодагон оиладан бўлиб, 13 фарзанднинг онаси. 1994 йил “Райо Вальекано” клубининг акциядори бўлган эри уни президент бўлишга кўндирди. Тереза футболни унчалик тушунмаса-да, клубда шунчалик қаттиқ тартиб ўрната олдики, натижада қўл остидаги “арилар” ўша даврда энг зўр дамларни бошидан ўтказди. 10 йиллик раҳбарликдан сўнг, 69 ёшида нафақага чиқди. “Райо” мухлислари уй стадионига “Тереза Риверо” номини бериш таклифи билан чиқди ва бунга эришди.

Ольга Смородская (“Локомотив”)
2010 йил Ольга Юрьевна “Локомотив” клубига раҳбар бўлди ва жамоани 6 йил давомида иложи борича юқори чўққида сақлаб турди. Смородская темирйўлчилар билан жанжаллашиб қолди ва кескин баёнот берди. Масалан, мухлислар орасида унчалик машхур бўлмаган “ўн йиллик йўқотиш” ҳақида. У буни “юмшоқ” тилда айтган эди. Чунки бу вақтда “Локо” уй ўйинидан сўнг, унинг номига ҳақоратли гаплар ва ҳаттоки, “уни клубдан ҳайдаш керак” деган мурожаатлар келиб тушаётганди. Аммо, шу қаторда эришган ютуқларини ҳам айтиб ўтиш жоиз: Ольга раҳбарлигида “Локомотив” Россия Кубогини ютишга муваффақ бўлди. Бир йил аввал Ольга Юрьевна курсисини Илья Геркусга бўшатиб берди.

Ана Уркихо (“Атлетик Бильбао”)
Ҳуқуқшунос Уркихо “Атлетик” вице-президенти лавозимида ишлаган. Аввалига, Ана Уркихо клубни фақат ҳуқуқий ва иқтисодий томондан назорат қиларди. Бироқ, 2006 йил амалдаги президент истеъфога чиқиши Ана басклар клубининг “юзи”га айланиши учун ажойиб имконият бўлди ва у бундан самарали фойдалана олди. Уркихо қатор мувафаққиятларга эриша олмаган бўлса-да, ўзига хос жиҳатлари билан ажралиб турарди. Президент лавозимида деярли бир йил фаолият юритди, аммо соғлиғи ёмонлашгани сабаб истеъфога чиқишга мажбур бўлди.

Гизела Ори (“Базель”)
Физиотерапевт ва фармацевтика компанияси раҳбарининг турмуш ўртоғи 2006 йил футбол соҳасига кириб келди. Бунга қадар, у клуб кузатув кенгашининг аъзоси бўлган. Гизела ҳомийлар эътиборини ўзига қарата олди ва беш йиллик режа асосида иш тутди. Бу орада “Базель” клуби уч маротаба Швейцария чемпиони бўлди ва “Манчестер Юнайтед”ни Чемпионлар Лигасидан чиқариб юборди. Ори ўз хоҳиши билан истеъфога чиққанидан сўнг, жамоа ЧЛ плей-оффда “Бавария”ни 0:7 ҳисоб билан мағлуб этди.

Патрисия Аморим (“Фламенго”)
Олимпия ўйинлари иштирокчиси бўлган сузувчи спорт соҳасидаги фаолиятини якунлаганидан сўнг, менеджерлик йўлини танлади. “Фламенго” клуб тизимида турли йўналишларда фаолият олиб борди. 2009 йил декабр ойида эса клуб президенти этиб тайинланди. Унинг шарофати билан Роналдиньо ва Вагнер Лав клубга келди ва улар штат чемпионлигида ғалаба қозонди. Бироқ, “қора бухгалтерия” сабаб можаро юзага келди ва Аморим ўз жойини бўшатиб қўйишга мажбур бўлди.

Светлана Пронина (“Тосно”)
Яқин кунгача “Валенсия” аёл-президент томонидан бошқарилар эди. Италия футболида эса аёл киши клубда ҳукмрон бўлиши анчадан буён янгилик эмас. Аёл киши клуб президенти бўлган ҳолат керак бўлса, узоққа бориб юриш ҳам шарт эмас. Светлана Пронина бошчилигидаги “Тосно” клуби. Светлана раҳбарлиги даврида клуб Ленинград вилоятидан Россия футболининг элитасигача кўтарилди ва Премьер Лигада ўз ўрнини топа олди.

Сахар Абдул Хака (“Ал-Наср”, Миср)
Кўплаб Араб давлатларида аёллар ҳатто, трибунага чиқиши тақиқланган, бу ерда эса Сахар — бутун бошли президент! Аввалига, у акасининг ўринбосари бўлди. Бироз вақтдан кейин, сайловда 5та эркакдан ўзиб кетиб, ғалаба қозонди. Табиийки, мухлислар бунга қарши чиқди. Аммо нима ҳам дердик?! Бу — демократия!

Хорижий сайтлардан Нозима Зарипова таржима қилди

“Футбол амазонкаси” ёхуд клубларни бошқарган аёллар