Futbol viktorinasi. Bilimingizni sinab ko'ring (2-son)

Marhamat, javoblar bilan tanishing.

1. Ushbu futbolchi faoliyatining bir qiziq tomoni bor: u professional faoliyatini 3 marta yakunlagan. Qahramonimiz 2006 yilning yozida o'zini tarbiyalagan klub safiga borib qo'shildi. 2012 yilga qadar o'sha jamoa sharafini himoya qilgach, faoliyatini birinchi marta yakunladi. Bir yillik tanaffusdan so'ng (2013 yilning yozida) yana o'sha klub safiga qo'shildi va bir mavsum harakatlanib, 2014 yilning 1 iyulida futboldan 2-marta ketdi. Oradan 3 yil o'tdi. Erinmagan banda ekanki, 2017 yilning yanvarida yana maydonga qaytdi va yana o'sha jamoa tarkibiga qo'shildi. Darvoqe, u bu paytga kelib mazkur klub prezidenti lavozimida ham faoliyat olib borayotgan edi. Nihoyat, 2017 yilning yozida chinakamiga futbolchilik faoliyatini (3-marta) yakunlagan futbolchi va u to'p tepgan so'nggi klub nomini toping.

Javob: Xuan Sebastyan Veron, "Estudiantes".

2. Endi 2 kishi haqida gap boradi. Ularning taqdiri shunchalik o'xshashki, egizaklarnikidan-da yaqinroq. Ular bitta malakatda tug'ilishgan. Har ikkovining otasi futbolchi, onasi esa gandbol bo'yicha mamlakat terma jamoasi sharafini himoya qilgan. Qizig'i shundaki, har ikki futbolchi ulg'ayib butunlay boshqa yurt terma jamoasi hujum chizig'ida tandem hosil qilishdi. Qahramonlarimiz ajoyib faoliyat yuritib, har bir hujumchi (Ronaldu-yu Messi ham) orzu qiladigan rekordlarni ham o'rnatishdi. Yuqorida kimlarning tarifi keltirildi?

Javob: Lukas Podolski va Miroslav Kloze.

3. Bir paytlar Madridning "Real" klubi hujum chizig'ini bezagan mazkur futbolchi 3 mamlakat milliy terma jamoalari sharafini himoya qilishga ulgurgan. Gap kim haqida boryapti?

Javob: Alfredo Di Stefano.

Takidlash lozimki, bir nechta foydalanuvchilarimiz barcha savollarga to'g'ri javob topa olishdi. Etiboringiz uchun tashakkur!

Futbol viktorinasi. 2-sonning javoblari bilan tanishing